السلام عليكم حريم وبنات
انا حامل في الشهر الخامس وهذا اول حمل لي
من امس وانا احس بألم في الخصر جهة اليسار ومرات مثل النغزات
وهالالم مرات خفيف ومرات لا يشتد ويعور وايد صراحه
شو السالفه حد صار له جيه؟
انا رحت الطواري امس بس ما كان عندهم سونار بس كان عندهم جهاز يسمع دقات قلب الجنين وقالت انه دقات قلبه زينه وتقول الحامل تييها آلام ونغزات من فتره للثانيه بس مادري ما اقتنعت بكلامها هل كلامها صح؟
انا ودي اروح اسوي سونار واطمن بس ماقدر لان ريلي زام هالويكند وما عندي حد يوديني…
على فكره انا للحين ما حسيت بحركة الجنين ولما قلت للدكتوره ليش انا متأخره ما حسيت قالت عادي لانه اول حمل ويتأخر الاحساس
الغالية شخبارج فديتج أنا بعد حامل بس احين بدخل السادس ولله الحمد بعد من اسبوع تقريبا أحس بنغزات في الخصر اليسار بس عادي لأن الرحم اصلا يتوسع ويشد عضلات البطن والخصر والحمد لله انا حسيت بحركة النونو من الشهر الرابع مع اني بكرية والله العظيم احساس الحركة فظيع لدرجة الحركة ماتستوي لي أكثر واشد الا وقت الرقاد اتم فاطسة من الضحك وريلي فديته من يحط ايده توقف الحركة ومن يشلها ردت تقولين صدج يلعب ويا ابوه ان شالله الغالية بتحسين بالحركة جريب بس اطمنج انه الالم عند الخصر عادي
اممممممممممممم والله مادري بس الحركه بتحسين انها مثل النبض الخفيف مب شرط حركه قووويه
الله يقومج بالسلامه
المشاركة الأصلية كتبت بواسطة مجنونة ريلها 
فديتج مشكوره على الرد والله يحفظ لج نونوج ويخليه يارب 
بس انا النغزات مش عاديه لا يعني احس بألم عند الخصر ويعور وايد …
انا كنت احس بنغزات في الثالث بس كانت عاديه ما تعور
المشاركة الأصلية كتبت بواسطة فديت قطر الله يقومج بالسلامه
مشكوره عالمرور والله مادري حد يقول مثل النبض وحد يقول فراشه وحد فقاعه وامس الدكتوره تقول مثل الامعاء يوم تتحرك ….انا احس بخرابيط وايد داخل هههه وللحين ماعرف أميز صراحه
بس همي الحين الالم اللي عند الخصر مادري شو سالفته
أختي أنا صار معاي نفس الشئ والدكتوره قالتلي الأمساك والغازات ممكن أتسوي هالويع وسويت بعد فحص البول الله يعزج لأن الألتهابات بعد ممكن أتسوي هالويع بس الحمدالله ماطلع معاي شئ وعطتني أكياس ألياف طبيعيه أحطها في الماي وأشربها ويريح واايد …. وبعد ممكن مثل ماقالو الخوات يمكن يكون من تمدد الرحم ويسمونها تقلصات براكستون هيكس وتبدأ من الأسبوع 22 وتكون طبيعيه أذا ماكانت أربع مرات في الساعه ….
أتمني أكون أفدتج والله أيسر عليج وعلينا الحمل والولاده ويرزق أخواتنا الباقيات ….
المشاركة الأصلية كتبت بواسطة خوله أتمني أكون أفدتج والله أيسر عليج وعلينا الحمل والولاده ويرزق أخواتنا الباقيات ….
مشكوره يا خوله عالتوضيح وفعلا انا فيني امساك واحس بغازات بعد
تسلمين عالمرور