السلام عليكم
خواتي انا حابة اسالكم لو وحدة عانت من هالشي اثناء الحمل؟ وكيف كانت طريقة العلاج او شو سوت بالظبط؟
انا سوولي فحص دم وخبروني انه عندي نقص فيتامين د .. واحس من فترة عظامي تعورني بالذات اول مانش من الرقاد ؟
قمت ايلس فالشمس الصبح والعصر عشان اعوض فيتامين د وانا اوردي دايما اكل من مشتقات الالبان نفس اللبن واللبنة والجبن وغيره..
اللي عانت من نفس الشي اثناء الحمل؟ اتمنى تقولي شو سوت بالظبط ؟
ياريت لو اسمع نصايح المجربات!
ومشكورات 
الغالية الجنين يسحب منج الكالسيوم .. وانت عندج من الاساس نقص .. وهالشي يسبب لج هالالام .. وانت ماشاء الله عليج تيلسين في الشمس وتشربين مشتقات الحليب ..
بس انصحج بعد بحبوب الكالسيوم وفوليك اسيد .. وقولي حق الدكتورة توصفهم لج ..
والله يعافيج ويسهل عليج .. وتربين بالسلامة ان شاء الله ..
هلا فديتج
بخصوص الفوليك اكل حبة يوميا
بس حبوب الكالسيوم ماوصفت لي اياها
في حملي القبلي وصفت لي اياها فالشهر الرابع
انا ادري هالشي بياثر عقب ع اسناني حتى فحابة اعرف شو لازم اكل او اسوي عسب اتجنب اي رسكز يمكن يستوي لي عقب
وشكرا ع ردج
حبيبتي أنا نفسج عندي نقص ف فيتامين دال وعظامي كانت أتعورني بس الدكتوره أول ماعرفت إنه عندي نقص كتبتلي على حبوب فيتامين دال خليها تكتبلج وخليها تكتبلج على حبوب الكالسيوم بس ضروري فديتج خليها تكتبلج على حبوب فيتامين دال والحمدلله بعد مالتزمت على الحبوب ارتحت من ألم العظام
خلي الدكتور توصف لج فيتامينات
بس ما اظن انها بتعطيج فيتامين د روحه … لانه ثقيل ومب زين فالحمل
عندج سمك السالمون والسردين لو تحبينه .. الفطر الطازج و البيض و الحليب
الوحده لازم تعتني بصحتها فالحمل عشان عقب تكون عندها القوة عشان تربي عيالها
والله ايسر لج حملج وولادتج
ليش الدكتوره ما وصفت لج الكالسيوم مع فيتامين دال …
انا الدكتوره واصفتلي حبوب كالسيوم وفيتامين دال وبديت فيهم من دشيت الرابع
لازم تاخذين الفيتامينات الخاصه بالحمل
اذا دخلتي الشهر الرابع تبدين فيهن
انا كنت اخذ نوعين .. اوستروكير (عباره عن كالسيوم مغنيسيوم وفيتامين دال) وpregnacare عباره عن كذا فيتامين
وبعد كنت اخذ حبوب حديد
لازم تاخذين فيتامينات حتى لو مافيج نقص فما بالج وانتي عندج نقص