صباحكن ورد الغاليات
حبيباتي انا ان شاء الله ولادتي شهر 9 وحبيت استفيد من خبرتكم
امانه حد فيكم جرب ابرة الظهر للولادة الطبيعية
انا وايد قريت عنها والاطباء يقولون ماتظر بس انا ابا تجارب حديثة يعني صايرة هالفتره لان كل الي مكتوب عن هالابره كان من 2024 وقبل
خبروني تجاربكم وساعدوني بليز لان انا هذا اول مولود لي وخايفة موت احس مستحيل اتحمل الآم الولادة
هلا حياتي
انا انصحك دامها اول ولاده لك تكون طبيعي بدون ابره …
و بالنسبه لابرة الظهر انا شخصيا سويتها فمستشفى النور الي فشارع المطار والحمد لله كانت اوكي بس مو انها تخدر ماتحسين بشي بتحسين بس احسن من الالم حق الولاده انا سويتها شهر 1 / والحمد لله بس اول مره انتي عادي ما يكون هذاك الالم ..وصلي صلاة الاستخاره انا شخصيا صليت والحمد لله
وتقومين بالسلامه ان شاء الله
انا ماعندي فكره
مشكورة الغالية الله يسهل علينا يارب
حبيبتي لقيت هالموضوع لوحده من الخوات في المنتدى
وحبيت تستفيدين منه وكذلك خواتي العزيزات
وربي يسهّل ولادتج وتقومين بالسلامه
ويرزقج بالذرية الصالحة 
أنا اعرف كذا وحده حذتها فا انصحج فيها دام انج بكر لان عضلات الرحم تكون مشدوده اكثر من اللي ربت مرتين او ثلاث
وبتساعد ان العضلات ترتخي ويفتح الرحم بسهوله وتربين بسرعه
وبعد في القص والخياطه تساعد وايد لان اللي اعرفه حتى لو ربيتي من دون أبره ووقت الخياطه بتحسين بآلامها حتى لو عطوج ابره مخدر في عضل الرحم ، وهذا طبعا كلام كل حد اعرفه ربى و كلام دكتورة لأني سألتها من يومين لتاكيد
عني أنا بأخذها الصراحة والله الميسر
الله يسهل عليج يارب وعلى كل حامل
تحياتي
الحمد الله انا ف بجري ربيت من دووون ابرة ظهر … والحين ها ثاني حمل لي وما افكر بأبرة الظهر … التساهييل بيد الله وتوكلي ع الله ولا تفكرين بالابرة …موفقه اختي .