السلام عليكم ورحمة الله وبركاته
خواتي افيدوني بخصوص الابر التفجيرية
اللي خذووها
وين (اقصد اي مكان فالجسم)
هل استفادت منها
هل لها اعراض جانبيه
وسؤال الثاني عن الكلوفااااج ..
اللي جربته
شو اعراضه الجانبية
وكم المده اللي خذته
وهل منه فايده ؟؟
افيدوني وشكرا لكل وحده بترد على موضوعي او ترفعلي اياه
جزاكن الله خير
السموحه لخبطت في اسم الدواء (غلوكوفاج)
انشاء الله البنات يفيدونج
للرفع
مشكوره اختي
يزاج الله خير
بخصوص ابرة التفجير حبيبتي على حسب اذا جسمج مليان عادي يعطونج فايدج بس اذا ضعيفه من الافضل تاخذينها فالفخذ..
انا خذتها عقب الكلوميد ولله الحمد حملت..الاعراض مو كل حرمه اتحس فيها انا بعد الابره احس بخمول وتعب..
بخصوص الجلوكوفاج عادي ماله مضار لانه وايد زين ويمنع التكيس واذا خذتي كلوميد من الافضل تاخذين جلوكوفاج معاه لانه يمنع التكيس وهالدوى وايد زين..وانا خذته مع الكلوميد وعادي اذا حملتي تستمرين عليه شهرين بس بصراحه انا وقفته من حملت وخذت دوفاستون اخف..كنت اخذ 3حبات فاليوم بس ماقدرت اتحمل قالتلي ممكن اتقللين الجرعه لو حبه وقللت الجرعه لحبه وحده تستمرين عليه حتى مع نزول الدوره انا خذته 3شهور تقريبا..الدوى شوي قوي فالبدايه بس بعد ماتتعودين عليه بتحسينه عادي..طبعا اعراضه تختلف من وحده للثانيه بشكل عام يسبب لوعه بالنسبه لي كنت ارجع..شوي اتحسين بعصبيه واحيانا بدوخه وصداع بس الدوى وايد زين..
والله يرزقج فالقريب العاجل ان شاء الله..واتمنى كنت جاوبتج على اسئلتج بالتفصيل مثل ماحبيتي واي سؤوال انا فالخدمه
الله يرزقج ان شاء الله
يزاكن الله خير
مشكوره اختي ما قصرتي ..