ابرة الظهر لي جربتها يا ريت تفيدنا

السلام عليكم ورحمة الله وبركاته

انا سمعت من ربيعاتي …
و انتي ما تبين حد سمع ,,, تبين مجرب ,,,

ما اقدر افيدج غير في الرفع

للرفع..

للرفع خاطري بعد اعرف عنها

اي نسيت اقولج اخذيها وانتي مغمضة وانصح كل وحده تاخذها هذا اذا تبي الوحدة الراحة ومتى عطوني اياها اول شي انا كنت طالبتها من البداية لان كان فيني طلق بسيط بس بارد من قلب تمين اسبوع كله انذارات كاذبة يدخلوني الولادة ولا اربي اخرتها عطوني طلع صناعي في الوريد اول خمس دقايق مت من الالم لين جا اختصاصي التخدير قعدوني على طرف السرير وحاضنة المخدة بين يدي اول شي عقمت المكان بشي بارد وبعدين تحسست مكان الفقرات وبعدين عطتني بنج موظعي خفيف وبعدين دخلت الابرة بين فقرات الظهر وعلى فكرة الابرة الي يحطونها بنفس طريقة المغذي الي يحطونه باليد بعدين مدت الواير البلاستيك ولزقته على ظهري عشان اتحرك بسهولة وبحرية والبنج يكون في ابرة نفس تشكيلة المحلول اصلا يعلقونه مع المحلول وبس وكان الله غفور رحيم اول مايبتدي مفعولة بتحسين بخدر من حوضج لين ريولج <<<< شعور ولا اروع والحمدلله كانت ولادتي سهلة طلع ولدي فديته في اقل من 5 دقايق لان كانت عندي طاقة ولله الحمد