اشحالكم يا بنات
أحس أنه الوسواس ذابحني وبموت من الزياغ…ومابقى عن موعدي الا أسبوع تقريبا…
خواتـــي أنا من أيام..يتنــــي كحه وبغيت أهلك منها..الحمدلله ماشي زجام بس هاي الكحه غريبه الي يتني جافه..حتى صوتي اختفى من كثر ما أكح…
تعرفون شوه سويت…أنا حاليا في الشهر الخامس..قمت وخذيت لي دواء الكحه وماخذيته الا مرتين بس…وعقب بدأ الوسواس فيه..يلست أقول ( ها فيه كيماوي أكيد البيبي بيتأثر وبيصير فيه شي لاسمح الله) لا وفوق جي..قلت لو يتشوه بسبت الدوء الي خذته الحين…والله بموت من الزياغ..شوه اسوي وكيف أطمن…ياربي قولولي..أخاف أخبر ريلي ويعصب عليه لأنه ها البيبي أول بيبي النا عقب سنتين ونص نحاول والله…
طمنوني الله يخليكم…
أختكم
أم روضه
ياحبيبتي انشالله مابياثر عليه بس لازم تكتبين اسم الدواء لان في ادويه
تكون عباره عن عسل واعشاب وانشالله متاثر..واذا تبين تطمنين اتصلي على اي صيدليه
وقولي لهم اسم الدواء وانج حامل هل ياثر او لا!!
اقري داخل النشرة اللي اتيي مع الدوا. بس ان شاءالله ما عليكم شر..
ماشي شر ان شاء الله
بس انتى وقفي عنه
^^
قريت التعليمات بس مول مب كاتبين عن الحامل شي …حتى استغربت!! لكن من الويع خذيته…
خذي شراب الكحة دفلين وايد زين انا لما اكون حامل دوم يوصفونه حق الكحة والبلغم
يريحج من الالم
بس لا تاخذين اي دوة وانتي ماتعرفين في ادوية مب زينه
بس لا تخافين التشوه مايستوي الا في اول شهرين من تكون الجنين
والحمدالله بيبيج ماعليه شر انشالله تطمني انا كنت شراتج في اول حمل
كنت اوسوس وايد بعدي الوسواس وخلي خطواتج كلها باستشارة الطبيب لو ما تسيرين العيادة
اتصلي بالتلفون واستفسري عن اي شي تشكين فيه قبل لا تاخذينه
والله يشفيج ويقومج بالسلامة ويحفظ لج جنينج ويتمم حملج على خير
ماتشوفين شر حبوبه وإن شاء الله خير
ياني ايميلعن الكحه ومضمونه كالتالي:
كيف تمنع الكحة في 5 دقائق
للكبار وخصوصا للأطفال
النتيجة مضمونة مائة بالمائة
وذلك حسب نتائج الدراسات بمجلس البحوث بكندا
وحتى الان لايعلم العلماء سبب نجاح ذلك
بإختصار شديد:
قبل النوم قم بتدليك باطن القدمين بالفيكس ثم البس جوربا
وستشعر بأن الكحة توقفت بعد خمس دقائق
وستستمر الراحة لساعات وساعات
واذا تبين الملف المرفق راسليني على الخاص 