طبيخ الزهرة الفلسطيني بالخوات وصورة نهائية من ايديا

اليوم رح اعمللكم اكله الزهره (القرنبيط) بالطريقة الفلسطينية

..

المقادير

2 راس كبير زهره

نصف كيلو لحمه مقطعة صغير بدون دهن أو ممكن لحمه مفرومة لو تحبين

كمية ماء ساخن

2 حبة بصل مفروم ناعم

راس توم كامل

ملح وفلفل اسود وبهار

كمون مطحون

زيت لقلي الزهره

..

الطريقة

قطعي الزهره الي زهيرات بحجم وسط او صغير على حسب رغبتك وضعيها في قدر موجود فيه ماء مغلي لدمة 5 دقايق فقط وطلعيها على ورق نشاف

بعد ما تحسي انو الزهره ما فيها مي… سخني مقاة وعليها الزيت واقليها حتى تتحمر

ملحوظة: انا اسلق الزهره نص سلقه عشان ما تسبب بنفخه وتخمه للمعده وما تشرب زيت كتير عند القلي وهو الافيد للجسم الصحي

وبعد ما تتحمر انشلها على ورق نشاف حتى ينزل الزيت الزائد منو وفي نفس المقلات احمر البصل شويه حتى يذبل..

بعدها احط اللحمه والبهارات والملح واحركة مع بعض واتركهم حتى تجف مياه اللحمه ثم احط عليها الماء الساخن وتغلي وتستوي تماما

ثم اضع اللحمه في قدر كبير لطبخها وازود شويه مي مغلي ولا تنسي تذوقي الملح..

ثم حطي الزهيرات المقليه على اللحمه والمرقه وغطي القدر على يستوي وخلي بالك المي تكون مغطيه الزهره عشان بتشرب مي كتييير

وفي هذا الوقت اكون قشرت كميه من التوم وادقة او اهرسة مع الكمون البودره كويس وبس تستوي اللزهره مع اللحمه احط فوقة التوم مع الكمون واحرك بشويش حتى لا تتفتت الزهره مني

ملاحظه اخرى: ممكن تقلي التوم ازا مو حابة الطعم يكون كتير بارز في الاكلة وعادة انا اقليه لما اكون اريد الزهره تنتطبخ مع الصلصه بدل مرق اللحم العادي يكون طعمو مسبك شوي وهاد حسب رغبتك انت

واتركها دقيقتان واسكر النار وهاد هي الطبخة بعد ما استوت وتقدم سااااااااااااخنة

ويتاكل معاها مخلل او ليمون وتتغمس مع خبز او ممكن مع رز ازا اولادك يحبون الرز

وصحتين وهنا وعافيه على قلوبكم

..

وهاي هي الصور النهائية

..

..

وهاد صحن ابو الشباب لما هجم عليه هههههه

..

وان شاء الله المزيد من الاكلات في المستقبل القريب

مع تحياتي