مرحبااا الغاليات
في كثير من الاحيان افكر اساعد فلانه او علانه وادورلها على عريس لكن ينتابني الشك والخوف
اخاف باجر ما يتوفقون ويوجهون اصابع الاتهام لي او اني اشعر بالذنب اذا ما توفقوا وصارت بينهم مشاكل او انكشفت بعض الاشياء مثلا زوج مدمن عصبي يضرب او ما يصلي ….. الخ
شو رايكم بالموضوع
أختي , جزاج الله خير على نيتج الطيبة. فعلاً الموضوع ممكن يسبب المشاكل في المستقبل, بس أنت نيتج الخير , وأنت أكيد بتختاري الأفضل لقريبتج أو صديقتج ولكن أنت بتحكمي على الظاهر واللي تشوفيه وتسمعيه, يعني لو صار نصيب أكيد أهل العروس لازم يسألوا عن الريال وأهل الريال لازوم يسألوا عن العروس, وساعتها لهم الحق يوافقوا ولا ما يوافقوا.وأنت ساعتها ما مسؤولة عن أختيارهم. أختي لا تترددي في عمل الخير, يا ما بنتا في البيوت في سن الزواج ومحد يعرف عنهن.بإذن الله ربي بيعينج وبيوفقج وبيجزيج خير.
ما يوجه اصابع الاتهام الا الجاهل، انتي تسوين خير وبيكون جحود من الشخص اذا ما توّفق ورد الغلط عليج .. المفروض اهل الحرمه يسألون عن الريال سواء هالشخص من طرف حد يعرفونه ولا وعقب يوافقون عليه مب لانه من صوبج يعني بيكون انسان زين ! انتي ما سألتي لكن تعرفين انه حد يدور وبالأخير اذا بغيتي تسوين الخير بس وصلي الخبر وانتهى دورج
ماجربت اتدخل قبل الصراحة
بس في مثل مصري اعتقد يقول : امشي في جنازة وماتمشيش في جوازة
لو البنت كبرت هي اساهم
عيل هالشعور شائع
انا نفسسسسسسسسسج
وايد اخاف
واخاف الريال او البنية يتوهقون بالطرف الثاني
مافيها شي انما الاعمال بالنيات والية سليمة وهي جمع راسين بالحلال
لكن قبل اي شي اطلب من البنت اصلي صلاة الاستخارة لانة الناس تتغير مع مرور الزمن