السلام عليكم خواتي
شخباركم؟!
بدخل ع طول بدون مقدمات سامحوني
يابنات ابي اغير واااايد اشيا ابتداء فيني وانتهاء ببيتي ..
ودي اسير الصالون الي هجرته من زمان واتعدل واتكشخ واقص شعري واتدلع بس بدون صبغة شعر ..، بعمري ماصبغت شعري وماحب الصبغة اخافها تجفف شعري وتخربه نفس كل التجارب الي حولي .. شعري لونه باهت لانه بني فاتح بطبيعته ومليت منه !!! ابي شي غاااااااامج
الحين بقص شعري بس ابي اغير لوونه بطريقة طبيعية خاصة اني أرضع يعني ابغي صبغة مكوناتها طبيعية 100 ٪ واسويها فالبيت شورايكم؟! واكيد ماراح تاثر فالرضاعة لاسمح الله ..
فيدوني بصبغات طبيعية للون البني الغااااامج الغاااامج ؟!
واللون الاحمر و النحاسي الغامج؟! الي عندكم اسدحوه لي حبيياتي لاني طفرانة
انيي للقذلة .. شوروا علي كيف اقصها؟! كله اقصها لين تحت الرموش وتطول وتضيع بشعري عطوني حل وتغيير لشكل القذلة؟!
والحين .. ابي اسوي حركات فالبيت ولمسات انثوية شو اسوي؟! شو ممكن اضيف؟! والسيارة نفس الحالة شو ممكن اسوي فيها؟! افكاااار يابنات افكاااار !!
الاشيا الي سويتها واستهلكتها : شموع + عطور للجو وفواحات وانسدحت من الملل خخخخ
انقذوني عطوني افكار وآراء يديده لكل شي ومنكم نستفيد ..
بليز لاتنقلون موضوعي لقسم الشعر لان محد يدخل هناك .. هني افضفض حق المتزوجات المجربات الي بيفهموني اكثر واحترامي لكل الفئات فديتكم خواتي ..
أختي أذا تبين صبغة ما اتنشف الشعر استخدمي Garnier .. وايد زينة وما اتسبب أي جفاف للشعر ..
واللون يعتمد على لون البشرة ..
اختي حني شعرج بيخلي لونه حلو وصدقج ان الصبغ ينشف الشعر نشف شعريه وايد تمنيت اني في عمري ما صبغته هذا الي اقدر افيدج به ما عندي افكارثانيه والسموحه منج
مافي صبغ لشعر طبيعي غير الحناء
لوريال عندهم صبغة شعر شامبو يعني مافيها امونيا وما اتاثر ع الشعر جيه مكتوب عليها ورايي شعرج سويه مدرج وايد حلو يطلع وغيري ف البيت الستاير وطريقة الاضاءة وغيري المكياج يعني اللون واذا ماكنت اتحطين مكياج حطي الحينه وموفقة
اختي لشكلج
في صبغه الكابتشينو
بنت خالتي سوتها وطلعت روعه عليها
بالنسبه للقذله
خل تقصها بالموس نفس هيفا وهبي ب اغنيه بوس الواوا
حلو و وايد مثير
لان ترومين تربطين شعرج ذيل حصان وتنزلينها
وحلوه لو فاتحه شعرج ومحطيه اكسسوار ع طرف الشعر او فيونكه
للبيت
اشتري لوحات يديده وعلقيها
غيري الساعه الموجوده
حطي حوض سمج دائري
بس اترسيه ماي وحطي ورده تطفو فوقه
غيري اثاث البيت
غنفات الصاله حطيهم بغرفتج والي بغرفتج طلعيهم برع
غيري دواسات الباب
حطي شمعدان
او اكسسوارات صغيره
غيري فراش النوم
يعني هالاشيا تغير النفسيه
و
اتمنى اني فدتج بشي ولو بسيط
uuppppp