حركات الأهل اللي ترفع الضغط شو الحل؟

السلام عليكم
بدخل فالموضوع على طول..
في حركات يسوونها الأهل مادري ليش..خاصة الوالده والوالد ومراااات اخوي
واللي هي
مايحلالهم يرمسوني الا يوم يشوفوني ارمس فالتلفون..ويعني مب كلام عادي
اسلوبهم فالكلام يكون غير..يعني كأنهم يتعمدون إحراجي
الوالدة الله يهديها مايحلالها ترمسني بصوت عالي الا وانا ارمس فالتلفون ومن اقول لربيعتي برمسج عقب اقولها ها شو تبين ترمسني بصوت عادي وتقولي لا بس خلاص
نفس الشي الوالد ايي يرمسني عادي من اقوله ابوي تراني ارمس فالفون سيده يعلى الصوت وواحسه يتعمد احراجي وكله يقول يله وماعرف شو ومن ابند من ربيعتي اقوله ها ابوي يقولي خلاص خلاص او احس انه مافي شي بس جي يرمسني
واخوي مرااااااات يسوي هالحركه من يشوفني ارمس فالفون ايي ويسولف ويمزح ويشل مايخلي شي من مواهبه مايطلعها
يحطوني فمواقف بايخه مع ربعي..ومب من كثر ما ارمس فالفون يعني يمكن فاليوم مرة وحده وما اطول فالمكالمات يعني شغله عشر دقايق بالكثيييييييير ان كنت ارمس واستفسر فسوالف الخطوبة والزهبة وجي لاني ماعندي خلفية كافيه عن هالشي اطول ربع ساعه بس

تحملي هم

الله يعينج الغلا

قفلي عليج باب الغرفه وخلاص

عادي هم يحبونج حتى انا مرات تصير لي هالمواقف، على العموم استحمليهم لأنج بتعرسين وبتروحي عنهم فلا تشيلي شي بقلبج عليهم

حبوبه مااشي احسن من التفااهم والصرااحه

والله يطول بعماارهم ويسعدج الغلا

انا اصلن اكثر الاوقات اللي ارمس فيها العصر يكون الوالد راقد وامي فحجرتها
او بعد صلاة العشا واروح حجرتي بس هم ايون يدوروني
ويوم ابند الباب ابوي يعصب يقولي ليش تبندين الباب خاصة الحين وانا مخطوبة
احس انه يشك اني ارمس خطيبي عشان جي ما ابند الباب فالمفتاح اخليه شووووي مفتوح