شحالكن خواتي عضوات المنتدى الراقي
وانا يشرفني أكون عضوة معاكم
قصتي طويلة وايد ومشكلتي أكبر بس بختصرها…
انا متزوجة من ثلاث سنين وعندي ولد وبنت ( الله يحفظهن )
المهم أقول ان همي الكبير بحياتي هو (( زوجي )) واذا راح هذا الهم بتتيسر حياتي انشاء الله….
زوجي وايد جاف معاية وعصبي على أتفه الأشياء ,من تزوجته ما ألاقي منه كلمة حلوة أو حركة رومانسية أو حتى غشمرة,,
الصراحة أنا كلمته بالموضوع اني متضايجة من هالشي بس يقولي : هذا طبعي واسلوبي وما أقدر أغيره وبالنسبة للكلام الحلو أنا ما أعرف أجامل ..
مع اني حلوة وناعمة والبس واكشخ له بس (لاحياة لمن تنادي) ..
اكتشفت بعد ولادتي لبنتي الأولى وكان عمرها سنتين انه يخونني وصارت بيننا ضرايب وصراخ قلت له : أنا بشو قصرت معاك كل اللي تبيه أوامر فوق ما أنا صابرة ومتحملة أسلوبك الجاف وعصبيتك الزايدة جي تجازيني ؟؟!! يقول : سامحيني هذي آخر مرة وانا مريت بظروف صعبة ولازم تتحمليني وتوقفين معاي .. سكتت وصبرت واهلي مايدرون لأأني أعرف انه مابيسكتون
وأكبر قهر وهالشي عمري مابسامحه فيه لين ما أموت انه سمى بنتي حبيبيتي بإسمهااااوانا وافقت عليه لأنه عايبني الاسم من زمان ,وما كنت أعرف اسمها لين بعد ولادتي بشهر,آآآآآآه يالقهر..
ايام الملجة كان يقولي وهو يتمصخر عقب ما نعرس اخطبيلي وانا اضحك معاه واقول عقب العرس نتفاهم … وصج صدمني لما يقومني الفجر وهو يقولي ((((((ابي اتزوج )))))
قلت له منو وقال البنت اللي كان يرمسها بنت ال…. , انا افتر عقلي وصارت ظرايب ومناجر ورحت بيت اهلي لأني ما أقدر أتحمله أكثر ,, وبعد كمن يوم رجع واستسمح ,وانا وايد أحبه ومابي أخسره بس ليش جي يسوي فيني لو يبا عيوني أعطيه .,حاولت بكل الطرق حتى اني اتصلت فيها وقلت هب زين عليج تخربين بيت بنيته قالت وبكل وقاحة : هو يركض ورايه,,
والحين عندنا بنت وولد والبرود لازال بس قمت اثق فيه لأنه من الدوام للبيت ومبايله أفتشه مافيه الا أدعية .. لاحظت ان نقطة ضعفه هي ربعة أذا كان مع لعابين صار مثلهم ,وألحين ف الفترة الأخيرة حسيته تغير لأنه رابع رياييل ملتزمين الحمد لله الحمد لله الحمد لله (( اللهم اني لا أسئلك رد القضاء لكني أسألك اللطف فيه )))
تعبت من التفكير انه يرجع مثل قبل ومليت من اسلوبه وعصبيته الزايدة حتى هذا الشي مأثر على عيالي فديتهم قمت أعصب على بنتي ومرات أضربها اذاكنت متضايجة …
منو الغلطان …..
اتمنى تسااااعدوني
اختي علاقتج ويا ريلج غير عن علاقتج ويا بنتج وعيالج ,,
الحين انتي غلطانة وغلطانة وغلطانة ,, انتي سميتي بنتج وانتي وافقتي ومب من حقج ولا ذنبها تعاملينها جي خافي ربج
واذا على ريلج اللي تاب ,, ترا الله يغفر لعباده كيف انتي ما تغفرين ؟؟ اللي خلاج ترجعيله يوم كان يخونج بيخليج ترجعيله وهو تايب
الله يوفقكم ان شاء الله وايسر اموركم
الله يعينج اختي وربي يهديه وييسر امورج عليج بالدعاء والاستغفار وربي بيرجعه لج وبيهديه
عليج بالصبر هذا ابتلاء وربي بيفرجها
مشكورين الغاليات على الردود الطيبة
الحمد لله على كل حال أدري هذا امتحان من رب العالمين
بس عصبيتي على بنتي مايخصه بإسمها صح اني بعد ماعرفت السالفة لمدة سنة ماقدرت أنادي بنتي بإسمها
بس السبب هو الضغط الكبير عليه وخصوصا بعد ما ربيت بولدي الله يحفظه أحس المسؤؤلية كبر علي وأي شي يصير بيننا أتفاعل بسرعة وأعصب ,, صرت مثله مع ان طبعي وايد هادية مع أني هب كبيرة عمري 23
الحمد لله على كل حال
ربي يسخركم لبعض ,,
اختي الغالية كل الرياييل عصبيين ,, وهذا شي مب منج من تربيتهم ,, لإن الولد عندنا يكون أهله مدلعينه آخر دلع وطلباته أوامر ,, ويوم يبدأ يكبر ويشوف الدنيا على حقيتها وان مب كل شي سهل شرات ماهو متربي تترجم صدمته لعصبية يعقها لحرمته ,, هذي مب مشكلتج ,, هذي مشكلة أمة بأسرها ,, عشان جي لاتحطينها فبالج وتزعلين منها ,, ادعيله الغالية ,, لإن الي يلجأ لرب العالمين ما بيخيب صدقيني ,, كبري عقلج ولا تقصرين في حقه , ودامه استوى يرابع ناس زينين فأكيد بيتصلح ,, ادعميه فهذا الشي ,, وخلي بيتج بيت يشرح النفس للطاعات والتقرب من الله ,, وعلى كثر ماريلج يتقرب من الله على كثر مابيتقي الله فيج
(( اللهم اني لا أسئلك رد القضاء لكني أسألك اللطف فيه ))) وهذا الحديث لم يرد عن حبيبنا عليه الصلاة والسلام ومكروه ومنهي عنه من الشيوخ والسموحة 
لا حول ول ا قوة إلا بالله
الله يعيينج