الزوجة الجميلة

مرحبا خواتي …

البنت الاصيلة ما اتدور ريال جميل لانه ما بينفعها و الجمال ما يتم طول العمر، اهم شي الاخلاق و الدين. على الاقل الحرمة دام انها اجمل عن الريال زين عشان تملي عينه، وما يشوف وحدة غيرها ، و في الاخير هذي قسمة و نصيب

ماعرف .. احس بالنسبه لي عادي .. ابد ماتهمني هالاشيا.. والشكل آآآآآآآخر اهتمامي ..ودوم أحط ف بالي .. الله ياخذ شي و يعطي شي اكبر فالمقابل .. دام هالمتين على خلق ودين وممكن يخليني اعيش مرتاحه وسعيده وكـ ""أميرة "" .. ف مابا شي زياده .. والحب يعمي مثل مايقولون .. =)
انا متزوجه وانا احلى عن ريلي بواااااااااااااااااااااااااااايد .. هههههه الحمدلله .. هو وسيم ماقول انه مب حلو .. فا عادي أحس
هذا رايي .. ونتريا الردوود ..

أنـــا أشــوف في بيض يفضــلون السمــر والعكس أو واحد ضعيف يفضــل وحده مــا بقــول متينه يعني مربربه وفي نصهم يبون وحده احطبه . يعني النــاس أذواق .
و أنــا مرات أشــوف جذي فالسوق ولا فالشــارع الريــال يكون أحلى بواااااايد عن حرمته أو الحرمــه تكون حلوه والريــال أفــريقي أو بــريطــاني مع أفــريقيــه ,, هني صـــدق تقــولين سبحــان الله !! أذواااق غريبــه

كــلن بـذوقـه حبيبتي! والنـاس أذواق…

وفي النهـاية ها كلـه قسمة ونصيـب..

عزيزتي ,, كلامج وجهة نظر وموجوده في الحياة
ونحترمها
بس مع تجارب الحياة أكتشفنا أن جمال الريال في أخلاقه ومعدنه الطيب وأصله وتربيته ودينه
ألحين وفي هالزمن صار الجمال عند الريال هو إلي يلفت أنتباه البنت ,, والدور على المديحه من هلها وربيعاتها
مع أحترامي للجميع .. وهذا إلي حاصل في مجتمعنا.. والمسأله نسبيه وأنا أتكلم عن الفئه إلي تهتم بجمال الريال ,,
هاذي وجهة نظري مع أحترامي لأراء الأخرين .

أنا برأي الجمال مب كله شي …

بس نختلف بوجهات النظر …