مرحبا خواتي
ممكن افضفض شوي ؟؟
انا منقهره من هالحريم اللي يرقدن لين الساعه 2 الظهر ولا يخصها فريلها ( زوجها) ينش يا حليله من الرقاد ولا حد يعبره اما البشكاره تحط ريوقه ولا ياكل فالشغل الله يعينه ( شو بيستوي عليكن تنشن من الرقاد وتدلعن ريالكن ؟؟؟
تنشين من الرقاد تسويله بان كيك ولا بلاليط ولا خبيص ولا وافل مع السيرب او اللي يحبه ؟؟؟
اقولكن كل حريم اخواني جذيه رقاد ولا لهن خص فشي ؟؟؟ والله منقهره حتى معظم الحريم اللي اعرفهن
انا ما اعمم على كل الحريم …
بس والله قهر
طبعا إذا هذا طبع فهو سيءءءءءءءءءءء ..
ونحمل الرجل الخطأ معها فأين كلمته وقوامته؟؟
لكن إن كان لظروف صحية مثلا … فإيش راح يطلع بإيد المسكينة؟؟
أذكر فترات ما كنت أشوف زوجي الصبح إلا تخاطيف وهو يلبس ويطلع الجامعة مسكين وعلى لحم بطنه مثل ما يقولون ..
ويرجع ويلاقيني بعدي في السرير ما تحرك منه … ألبس ونطلع نتغدى في مطعم وأرجع أرتمي في أحضان السرير …
لكن كانت فترة حملي في ابني البكر ..
لكن ومع تزايد أعباء ومتاعب الحياة الحين ما يشوفني الصبح يوم السبت والأحد … لأنهم يومي إجازة أطفالي من المدرسة …
هلا أسماء زكي الدين عاده احيانا تكون ظروف غصبن عن الواحد ؟؟؟بس اللي هن متعودات على جذيه
شو تقولين عنهن؟؟؟؟
الوحده يوم بتحس ان وراها مسئوليات ما بتم راقده
بس دام حد يسوي عنها بترقد ولا عليها
سبحان الله توني كنت اتكلم مع بنت خالي عن نفس الموضوع..
عاد كانت تحش في مرت اخوها وتقول انها ترقد من 1 فليل لين 2ونص الظهر… (ماشالله عليها) تخمر صدق…
كنت افكر اني انا محطمه الرقم القايسي اتاري في غيري .. خخخخخخ
يا بنات
خلوا عنكم بنات الناس
وكل واحد عليه بنفسه
اعتقد انتن يوم بتعرسن بتكونن نفس الشي
ولو ما كنتن بعد ماعتقد بترضن حد من اهل ريالكن يتكلم عليكن ولو هنيه في المنتديات
تراها مش حلوه والله
خلو الناس في حالها اذا هم راضيين انتوا شو يخصكم
انا بصراحه ما تعجبني الحريم اللي ما عندهن شغله غير حريم اخوانهن وبس
وعلى الاقل ترقد طول الوقت احسن من انها تحش طول اليوم
..
هلا خواتي
بالنسبه لي يوم اي بسوي ريوق لريلي طبعا يقوم متاخر من الرقاد ما يواحيه يتريق :1 (66):
وما يرضى اني اقوم واسويله ريوق يقول ما لي نفس اول ما اقوم :1 (67):
بتريق مع ربعي في الدوام المهم الغدا والعشاء:1 (38):