مرحباااا ^^
اشحااااالكن ؟
امم اليووووم اتصلوبي المعهد الوطني ف دبي يتخبروني اذا حابه اسجل عندهم ادرس سنتين وآخذ شهادة دبلوم وعقب اتوظف
والتخصصات علوم ماليه ومحاسبه وشي تخصصات ثانيه اظني
وقالتلي الحرمه الدراسه بتبدا 14 ديسمبر وسألتها هاي الدفعه الأولى قالت هييه بس يووم دخلت الموقع شي بنات وشباب دارسين ومتخرجين بعد لوول
عاااااد مادري محتاره ماعرف وااايد اشيا عنه !!
خذت فكره من موقعهم بس ابغي حد دارس هناك ويخبرني عن جو الدراسه وجييي
وابغي اعرف متى آخر يوم للتسجيل
فـ اللي اتعرف ياليت ماتبخل عليه
وثانكيووووووو مقدما ادرييبكن مابتقصرن
واللي ماعندها فكررررره ترفعلي الموضوع بدعوه حلووه شراتها ^^
للرفع
مرحبا إختي أنا بعد أتصلووو فييني ….. وباجر إمتحاان تحديد مستوى وإذا نجحت بيقبلووني
بس المشكله ماشى موصلات بالنسبه لراااااااك وهاي الدرااسه لمدة سنتين وأنا محتاره أقدم ولا لأ ؟؟؟؟
وانا بعد اتصلووووبي اليوم ..
وقالولي باجر الثلاثا الامتحان .. ولازم اتواجد قبل الساعه 9 الصبح
والدراسه مختلط بس الشباب مب كبار وايد .. يعني قوم 17 وجيه
اظن ان اليوم آخر يوم تسجيل
واللي عنده معلومات رجاء خواتي لا تبخل علينا .. محتايينها ضروري
انا ما درست بس كنت اشتغل في شركه وطرشوا موظفات عندنا يدرسون هناك لمده كم شهر وانا سرت زياره للموظفات هناك اممممممم الدراسه اعتقد اوكيه هي كانت بالانجليزي وبتفيدش حق مستقبلش بس اللي ما عجبني ان فيه حركات وايد ومغازل اصلا المكان مثل فيلا وفيه كلاسات صح الاولاد والبنات بروحهم بس ما عجبني جو الدراسة
رووح دبي لا ماظن ان اليوم آخر يوم تسجييل لان باجر شي وانا قلتلها اقدر عقب اسجل لي ماشاور الوالد قالت خلاص مب مشكله بتصلبج خلاف
صدقج ام حمزه احس الاختلاط مخرب ع الدراسه
يلااااااااا نتريااا الباااجي
المشاركة الأصلية كتبت بواسطة المـ غ ـروره 
صدقج ام حمزه احس الاختلاط مخرب ع الدراسه
يلااااااااا نتريااا الباااجي
وانا بعد قلت لها خليني اشاور الاهل .. قالت ردي عليّه قبل الساعه 3 الظهر ( اليوم )
انزين الحين شو عن الامتحان .. بتيين باجر بتقدمين ؟