السلام عليكم خواتي… الله يتقبل طاعتكم يا رب…
عندي ولدي الله يحفظه عمره تقريبا اربعة شهور… يرجع الحليب بصوره مو معقوله… لدرجة قمت احاتي… أنا اعطيه صناعي.. نان… ومرات ارضعه من صدري بس لان حليبي جداً قليل فيرضع صناعي… من امس غيرت الحليب و بدات اعطي Hipp… يمكن صار أحسن او يمكن أنا اقنع نفسي.. ساعدوني بليز… تعبت من كثر ما أغير ملابسه و صرت احاتي اذا عنده مشكله في بطنه الله لا يقول…
ساعدوني بليز .
اهم شي انتي تشدينه بعد كل رضعة..؟؟
بعدين بتحصلي فصيدلية حليب خاص للترجيع وان شالله ما يكون فيه الا العافية
سلامته انشالله البنات ايفيدونج ماعندي فكرة
السلام عليكم
بنت نسيبت كانت نفس الحاله كل ماعطوها حليب رجعته مترقدام كانها نافوره ماشاء الله يمكن الحليب وايد على بطنه
الله يشفيه بس الحين شوفي نتها ماشاء الله عليها طول في عرض
وعسى ربي يوفقج
لازم الدكتور يشوفه عسب يحدد سبب الترجيع عزيزتي هو بيفيدك اكثر
وربي يعافيه
مرحبا انا اكثر وحده بتفيدج لان بنتي طول فترة الاربعين كانت ترجع مثل النافورة الي تطلع كل يوم كانت ترجع نفسيتي تعبت وياها
لين وديتها للدكتور وقالي شربيها حليب خاص بالترجيع طبعا انا رحت الصيدليه وخذت لها ( حليب ابتاميل AR )
ولين خلصت علبتين عقب بس وقف عندها الزواع
اختي لا تتروعين عادي الموضوع بس من باب تتاكدين خذي النونو المستشفى ولو ما عندج وقت روحي الطوارةء عشان اسرع
والله يشافي لج وليدج
اختي انا بنتي كانت نفس الحاله كل ما شربت حليب رجعت وما كانت تمتن ابدا يوم كان عمرها ثلاث شهور ونص وزنها ثلاثه كيلو ونص نفس وزن الولادة تخيلي عقب وديتها مستشفى النور عند دكتور محمد امين وطلع عندها انسداد بين المعدة والامعاء وسوالها عملية والحين لو تشوفينها ما شاء الله عليها ما فيها شي ابد ووزنها الحمد لله والفيتامينات اوكيه