السلام عليكم خواتي
بغيت اتخبركن كيف أقدر أعود ولدي على الحليب الصناعي؟
ولدي عمره شهرين و بديت أعطيه الحليب الصناعي من شهر تقريبا أو أقل بس ما يطيع يأخذ المرضعه إلا بالغصب و إذا خذها يشرب شوي و عقب يصيح إلا يباني أرضعه من صدري
يزاها الله خير اللي تقدر تفيدني بتجاربها
أختي ليش تبي تعطيه حليب صناعي؟ إذا مضطرة تتطلعي وتخليه فترات طويلة أشفطي له حليب صدرج وخليه له يرضعه بمرضعة وأنت ما موجودة.
المشاركة الأصلية كتبت بواسطة وجدان الفجر 
المشكلة مب في الحليب أحس أنه متعود على الصدر من جي ما يتقبل المرضعه دوم
بس إن شاء الله بجرب وياه الشفط و إن شاء الله تضبط
مشكوره أختي على الإفادة
فديته غمضني
حبوبه بعده على الرضاعه انتي تقولين عمره شهرين اكيد بيتعلق بصدرج تراه يشم ريحتج ويحس بالامان
الغاليه لا تقطعينه من الحنان وها اللحظات الحلوه الي كل ام تحب تعيشهااا
اذا تحبين تعودينه شوي على الرضاعه حطي له فيها يانسون رضعه باليوم بس وطول اليوم عطيه صدرج واذا مضطره تطلعين اشفطي له او سوي له رضعه من الصناعي بس حرام تقطعين عنه صدرج من الحين ترى اذا تعود للرضاعه ما برضع منج الغاليه ..
والسموحه بس حبيت افيدج غناتي
المشاركة الأصلية كتبت بواسطة أم الميث الغاليه لا تقطعينه من الحنان وها اللحظات الحلوه الي كل ام تحب تعيشهااا
اذا تحبين تعودينه شوي على الرضاعه حطي له فيها يانسون رضعه باليوم بس وطول اليوم عطيه صدرج واذا مضطره تطلعين اشفطي له او سوي له رضعه من الصناعي بس حرام تقطعين عنه صدرج من الحين ترى اذا تعود للرضاعه ما برضع منج الغاليه ..
والسموحه بس حبيت افيدج غناتي
الغالية أنا مب ناويه اقطع عنه الرضاعه الطبيعيه بس أنا إحاتي كيف بقدر أداوم عقب إذا لين الحين ما تعود
على المرضعه !!
لو مب محتاجه للوظيفه بقول نفاد
الله يعين و مشكوره على أفادتج الغلا
أشفطي له حليب صدرج
واذا حسيتيه مايكفيه غيري نوع الحليب لين اتلاقين نوع يناسبه
وربي يبارك فيه