بنتي كملت شهر ونص والغازات ذابحتنها طول اليوم اتصيح عيزت من كثر مااعطيها ينسون ودوا الغازات انفيكول بس ماشي فايدة والله انها غامضتني مب قادرة ترقد واللي ذابحني اكثر اني من اول مايبتها وهي امزجمه وخشمها مصطك وكل ماوديها المستشفى يعطونها ماي وملح بس ولا منه فايدة يعني حليلها من الصوبين من خشمها ومن الغازات.. اللي عنده فكره اتمنى تفيدني يزاكم الله خير…
الله يعافيها .. ماتشوف شر فديتها
الله يعافيها .. ماتشوف شرإن شاء الله
الغاليه لا تودرين الينسون عطيها 50 مل الصبح و50مل المغرب بس ويا حليب مع بعض والله عن تجربه وايد فادني ويا ولدي وبعد سويلها مساج بزيت الزيتون بحركه دائريه على بطنها ودري عنها الانفكول لآنه ثبت علميا أنه يهيج عند الأطفال القولون العصبي الدكتور قالي هذا الكلام وعطاني دواء طارد الغازات بتلقينه في الصيدليه من إنتاج شركة الهملايا ريحته حلوه وكله أعشاب طبيعية مثل الينسون والنعناع والمثيبه ووووووووووايد نفعني مع ولدي .
شكرا خواتي عالمرور
انا نفسج ولدي مايرقد بسبة الغازات وعطيته يانسون ونعناع وماي تمر بس مافاد معاه بس مرت خالي قالتلي ان بنتها بعد فيها غازات وراحت عند الدكتور ووصفلها دوا اسمه ديسفليتل وتقول ان وااايد نفع مع بنتها وقلت بجربه والله جربته وووايد نفع مع ولدي ترا الدوا قطور واذا فكرتي تاخذينه حطي 15 قطره في ماي احسن عن الحليب وشربيها وانشالله بينفع معاها وبترقد لج.. واذا خذتيه اسألي الصيدلاني عنه احسن عشان تطمنين اكثر
هلا اختي
خذي خاشوقه شكر حطيه في جدر وحطي على نار هاديه لين مايستوي لونه بني
بعدين حطي عليه شوي من الماي المقلي وخليه دقيقتين وبعدين خلي لين مايستوي دافي
وعطيها بيمشي بطنها وبيطرد الغازات
ويمكن بعد الغازات من الحليب ف انصحج بالرضاعه الطبيعيه
والزجام الاولييين يحطون سم بلدي يصخن وتحطينه في خشمها نقطه وحده في كل فتحه
والله يشافيها ان شاء الله
واسمحيلي حبيبتي ع التاخير
تاخذين ورق نعناع طازج وتغليه شوي في الماي مع شويه سكر ولما يبرد تشربيه لولدج
ولا تنسين بعد الرضاعة رقديه على بطنه تطلع الغازات ويتجشأ
ربي يشافيه ان شاءالله