ياريت لو اتساعدوني انا بنتيه عمرها 3اسابيع وست ايام وعندها امساك يعني لازم اعطيها كبسولة جلسرين كل يوم او استخدم زيت الزيتون وهاي الحاله صارلها 15 يوم تقريبا ومب عارفه شو اسوي اغيرلها الحليب مع العلم اني ما ارضعها
فيدوني الله يخليكم
غيريلها الحليب الغاليه يمكن ما يناسبها
حرام عليج بعدها صغيره ليش ماترضعينها
الحليب الصناعي هو اللي يسبب الامساك حق الياهل
اسمحيلي ماقدر افيدج بشي انشالله الامهات ما بيقصرن
لانه انا يوم عيالي ايهم امساك أشرب عصير برتقال بكثره ورضعهم والحمدلله يفيد وياهم
مشكورين على الردود
بس لاتلوميني الغاليه اني ما ارضعها انا بجر ومسويه قيصريه وحجم بنتي وايد اصغير ماخذت من شهرها الا ثلاث ايام والحلمه عندي اصغيره وايد عانتيت الله العالم
حبوبه غير لها الحليب ونتي حبوبه لا تاكلين شي في بقوليات
بعدين اختي سوي لج تمارين حق الحلمه الصدر يعني حاول اتمطينها لبرع شويه شويه ان شاء الله بترضع منج
الله يخليها لج انشالله وتفرحيبها وهي عروس
أختيه قلتيلي الحلمه عندج اصغيره(وحده من العايله كانت نفس مشكلتج بس اشترت بلاستك يتركب على الصدر يعني حجمه صغير وشفاف يرضع منه الياهل ايكون شكله مثل حلمة المرضعة ومع الوقت تبرز الحلمه وما بتحتاين البلاستك )
يا حليلها
الغاليه حاولي ترضعينها حتى لو تشفطين الحليب من صدرج لان حليبج بيفيدها
وبالنسبه للامساك جربي وياها المريس او القراصيه ودلكي بطنها بزيت الزيتون