الله الشاهد انه مابيدخل علي ولا درهم الا بالعكس بحط فوقها بعد
الموضوع يمني متزوج حرمتين وعنده ثلاث اولاد وست بنات وما يشتغل لان عنده القلب تعبان وعياله اكبر واحد يدرس ثالث إعدادي وماعندهم دخل شهري وتعرفون الغلا الي عايشن فيه وحاليا دخل الصيف وطبعا المكيفات شي ضروري وهم مساكين ما يقدرون ينامون من الحر ،قسما بالله الرجال يشكي حق زوجي ويبكي يقول بناتي يبكن من الحر ما نامن ،قاله زوجي كم تحتاج مكيف قال له سبعه ، مكيفات البيت كلها اخذتها مستعمله وطلعت ما تبرد بس مشتنا كم سنه صابرين عليها ، وانا أسفه طولت عليكن بس حبيت انقل ظروفه اذا حد يقدر يساعده فالدنيا فانيه والأخره باقيه كل إنسان بيحصل أعماله الي سواها للأخره اما اعمال الدنيا بتكون ورث للي بعده موجود ، والله يطول بأعماركن وآسفه مره ثانيه ع الإطالة
الخاص مفتوح لأي حد تبا تساعدهم .
يقدم طلب بالجمعيات الخيرية مع الاوراق المرفقة بيوفروله مكيفات جديدة
المنتدى مش قسم للمساعدت فديتج ,,,
أكيد فكل مكان مساعدات وكل واحد او وحده يشوف اي احد محتاج بيطرح موضوعه فأي مكان لانه أهل الخير فكل مكان وانا متأكدة ان في ناس يبون يساعدون ويتصدقون ويزكون من أموالهم ع المحتاجين بس ما يدلون وين أماكنهم وانا شخصيا بنتي مرضت وكنت بتصدق بمبلغ بنية الشفاء لها بس ما عرفت منو المحتاج الي يستحق وأدل الهلال الأحمر بس الأقربون أولى بالمعروف ،فاكيد موضوعي هذا ما راح يكون عبث فهذا المنتدى واعرف ان اقل شي ممكن تسويه الي ماتقدر تساعدهم باي شي أقلها بتدعي لهم ومشكوره ما قصرتي ع الرد الي يشرح الصدر والي يدل ان باقي ناس تفكر بها الأسلوب وان اعمال الخير لها أماكن خاصه وهذا خطا عمل الخير فكل مكان وكل زمان فديتج ،
خل يتصل لبو راشد لان في عندهم مكيفات للمحتاجين لان في فاعلة خير مخبرتنهم اي حد يبي مكيفات او كراسي متحركه ما بتقصر فيه..خل يتصل يمكن يكون له نصيب
ربي ييسرلهم امورهم ويفرج همهم
جزاكن الله خير بس منو ابو راشد ممكن اطرشين رقمه
كيف نقدر نتصدق و انساعد الريال؟