يوميات و الرجيمية المصورة

بفضل الله تعالى هذا موضوعونا الثاني و جزء مكمل لموضوعنا الاول

فتره 6 شهور مرت على الموضوع الاول كان فيه مزيج من الحماس و التفاؤل و الامل و خيبات الامل و الملل و الضيق و الحزن و الفرح

لكن كل هالاشياء بالنسبه لي هي الي تحلي الرجيم و الي تخلينا نردله لو قطعنا فتره من الروتين و الملل

الفضل الاول في استمرارنا من بعد اصرارنا و عزيمتنا هي ردودكم و تشجيعكم لنا

كل ما قطعنا فتره و دخلت و شفت الي يسالون عني احس بالضيق من نفسي لاني قطعتكم و لاني اخلي الاحباط يهزمني

مشوارنا الي طاف حلو بكل نفسياته و بكل التغييرات الحلوه الي حسينا فيها

و عندي امل انه مشوارنا في هالموضوع بيكون احلى باذن الله تعالى ^___^

ميس دايت عزيزتي بنضل باذن الله ايد بايد لين نوصل اهدافنا بصحة و عافيه يارب …

الريوق :-
2 توست اسمر + شريحة جبن لايت = 210 سعره
200 مل حليب قليل الدسم + كوفي و مكعب سكر اسمر = 96 سعره
المجموع 306 سعره

الغدا:-

50 غرام ربيان مشوي بدون اي زيوت + سلطة مع ملعقتين روب = 140 سعره

و بعدها بنص ساعه غديت بنتي و كلت ملعقتين عيش من عندها = 100 سعره تقديري

مجموع السعرات = 240 سعره

بعدها بساعه :-

كاس شاي بالنعناع و السكر العادي = 40 سعره

العشاء :-

5 تمرات + علبة لبن = 165 سعره

وختمتها بكاس كرك = 120 سعره

مجموع السعرات لليوم = 871 سعره

ملاحظاتي لليوم :-

الماي لترين ونص ..
الرياضه

100 مره تمارين بطن ..
100 مره تمارين خصر ..
100 مره تمارين ايد ..
30 مره تمارين رجل ..