ياحريم أداة شفط الحليب اريد اتخبركن عنها للي اتعرف

السلام عليكم

الله يحفظ عيالج ان شاء الله وجربى الالة لا تعور ولا شى شى الة بها درجات لقوة الشفط مثل ميديلا وتظبطينها عحسب راحتج واحساسج بقوة الشفط المهم اقل شى تخلينها 15 دقيقة على كل جهة موب اقل انا الصراحه ارضع صناعى بس هالمعلومات خبرونى اياها بالمستشفى

يزاج الله خير حبيبتي

وهل مدة الربع ساعه كافيه للشفط؟ اسمحيلي غثيتج بس ماريد اسأل حمياتي اتلوم

انا جربت اللي بالكهربا و حبيتها – ما يعور و لا شي – اول مرة ما بيشفط وايد حليب بس اذا سويتي و كملتي كل يوم بتلاحظين انه كل يوم بيزيد
الله يحفظ عيالج

فديتكن يعلني مخلى من تجااربكن الطيبة والله

ودام جذا السالفة بيربها من اليوم ان شاء الله

المشاركة الأصلية كتبت بواسطة دبواوية عسل

يزاج الله خير حبيبتي

علني افداااج والله

بس ما خبرتيني انتي يربتيها ولا؟؟

لأني واايد متخوفة منها

وهل مدة الربع ساعه كافيه للشفط؟ اسمحيلي غثيتج بس ماريد اسأل حمياتي اتلوم

مرحبا الغالية لا فديتج خذى راحتج انا جربتها اول ما ربيت بالمستشفى وما تعور ولا شى لا تخافين تحسين جنه الياهل هو اللى يشفط ومدة ربع ساعة اقل شى ممكن تزيد بس ما تقل عن ربع ساعه اذا حسيتى وانتى تشفطين ان الصدر بعده به حليب تمى شفطى لين يظهر الحليب كله وعقب حولى عالصوب الثانى يربى وخبرينا شو استوى

ماتعور
بس اذا حسيتي انها تعورج خفي على قوة الشفط
لازم تكون مريحه وماتحسين بالم