وين سويتي الكراتين ؟ وعلى كم ؟ وهل تصنصحيني فيه والا لاء؟

سمعت وايد عن تجارب البنات ويا الكراتين ووايد تشججعت ابغيكم تعطوني رايكم
واللي سوت كيراتين تخبرنا وين وعلى كم وشعرها لين وين على شان نقارن طول الشعر بالسعر

وسلامتكم

لا تبخلون علينا بتجاربكم

نوع عادي ، وهذا أنا جربته، يخلي شعرج روووعة لمدة 3 -4 اشهر ، صدق يكون الشعر روعة
بس فيه مشكلتين:
1. أنه فيه مادة كيميائية تسبب سرطان الرئة، وأنا من يوم ما عرفت تركته، وفعلا يوم تسوينه عند الصالون لازم تحط لج ولها كمامة، لأنكم ما بتستحملون بدون كمامات. (مرة راعية الصالون نست تحط لي الكمامة، والله اني تميت ادمع وأكح بقوة، لين ما تركت الركن اللي كنا نشتغل فيه خمس دقايق عقب حطيت كمامة وردينا نكمل)).
2. انه بعد اربع شهور يطلع الشعر اليديد بس يكون جاف ومتعرج أكثر بكثير من شعرج الحقيقي، ولازم تردين تسوين كيراتين مرة ثانية، وكل مرة بعد ما يخلص تأثير الكيراتين يكون الشعر جاف ومتعرج أكثر.

أنا سويته في صالون باتشي الوشي في ابوظبي، وشعري قصير لين عند كتفي، تاخذ عني 2024 درهم.

النوع الثاني بالشوكولاته، وريحته مثل الكاكاو، هذا بس سمعت عنه بس ما أعرف عنه شي غير انه الكيماويات اللي فيه أقل بكثير من النوع الأول ، وبالتالي أضراره أقل.