ولدي والإسهال

ولدي عمره تقريبا 6 شهور ونص ويعاني من مشكلة الإسهال ..
الموضوع بدى من أسبوعين ونص ولين الحين مستمر وياه ..
قبل ما ايله الإسهال كان يسويها مرة او مرتين فاليوم والحين عادي يوصل 10 أو 12 مرة فاليوم ..
بديت ااكله يوم كان عمره 5 شهور ونص والحمدلله كان كل شي اوكي بس من عطيته الكوسا جي استوى به ووقفتها على طول ..
عرضته على 3 أطباء .. الأول سرتله ثالث يوم من الإسهال وقالي عادي وبيخوز روحه بس عطيه محلول الجفاف والثاني عطاه اموديوم الي هو دوا لوقف الإسهال (عرفت عقب انه مب زين ينعطى حق اليهال) والدكتورة الثالثة قالت لي عطيه حليب خالي من الاكتوز واكليه بس عيش وروب وبطاط ووصفتلي مثل بودرة احطها فالأكل مرتين فاليوم وقالتلي اشربه ماي العيش ..
حاليا انا ملتزمة بنظام الدكتورة .. بس مرت 4 أيام وأنا اطبق هالنظام وماشي وايد تحسن .. من 10 ل 12 مرة استوو 8 مرات ..

خذو عينة وفحصوها والحمدلله ماعنده فايرس ..

محتارة وايد .. وماعرف شو أسوي ..