حبايبي ساعدوني ولدي عمره 5شهور وانا اعتمدت على الرضاعة الطبيعية بشكل كامل بس أنا برجع الدوام ودوامي ساعاته طويلة فاباعوده على الصناعي بس مب راضي يرضع حاولت معاه وااااااايد كله يصيح شو اسوي مع انني اعطيه سريلاك مرة في اليوم دخيلكم ساعدوني جربت معاه بيبيلاك 1 وماعيبه وغيرته والحين اعطيه سيميلاك تقبله بس هو رافض فكرة الرضاعة من الزجاجة ساعدوني بليز
حاولي تحطين من حليبج في الثلاجه من الليل
بس يدفونه و يعطونه فترة وجودج بالدوام
الحليب يتحمل يتم 24 ساعه بالثلاجه
الله يطمن قلبج ان شاء الله
جربي تعطين حليب بالكوب ولدي نفس شي الحين الله يحفظه بيكمل سنة وما يحب الزجاج الرضاعة اشربه بالكوب
الله يعينج عليه
..
استغفر الله واتوب اليه
أختي أشفطي حليبج وخليه في الثلاجة وخليهم في غيابج يدفوا الحليب ويعطوه له ,ويوم بيكمل 6 شهور إن شاء الله إبدي دخلي له الأكل تدريجياً.ما أعرف كيف نظام دوامج بس في معظم الدوائر الحكومية فيه ساعة أو ساعتين إجازة رضاعة طبيعية إذا ساعتين بتكون خلال الست شهور الأولى من الولادة وإذا ساعة بتكون لمدة سنة.
انا ولدي رضعته سنة وبعدين لما عطيته صناعي رفض بس كنت اجوعه ف النهاية يضطر يقبله مافي غيره
اشفطي خليه يشرب يوم انتي بالدوام ورضعيه يوم ترجعين