السلام عليكم يا أمهات .. عساكن بخير ..
عندي مشكله و اللي هيه ولديه الله يحفظه عمره 5 شهور و من فتره بدت رضاعته تخف لين ما صار الحين ما يطيع يرضع مني الا اذا كان راقد او مغفي .. شو الحل انا ما ابغي افطمه و متضايقه والله
.. ماخليت حيله ماسويتها .. بليز اللي عندها خبره في هالشي تساعدني كيف اخليه يرد يرضع مني للعلم انه فيه حليب الحمدالله
اشفطي حليبج وعطيه وحاولي ما ترضعينه يدام حد
عرضيه للطبيب يمكن عنده لوز
او التهاب في حلجه
الله يعافيه ان شاء الله
اسالي الدكتور عن هالشي
الله يوفقج اختي
اتعطيه اي بديل وخليه يوعان وبيرد يشرب نفس قبل واحسن
تقبلي مروري
الغلا الرضاعة الطبيعية مهمة واااايد …
وديه المستشفى وافحصى عنده الاذن والحنجرة يمكن يكون السبب التهاب فيهن ولا متضايج من شي …
وفي مركز في الشارقة اسمه مركز اصدقاء الرضاعة الطبيعية …
سوي عنهم سيرج في قوقل واقري عنهم ممكن يساعدونج عندهم اخصائيات ودكاتره لها السوالف …
وربي يحفظج لج وليدج …
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب 