والله مستحية من الموضوع بس ادري فيكم عندكم حلول جهنمية !!! نداء من عرووس

سامحوني ع الموضوع و طريقتي للكتابة

بنات انا عندي مشكلتين بما اني مالجة
و دوم افكر و عرسي عقب 3 شهور يعني في وقت

– عندي اسمرار و سواد و عدم توحد ف لون الجسم
(والله ع كثر الكريمات و العيادات و المستشفيات و العناية و الاهتمام و الخلطات
تعبت تعبت تعبت نفسيا مع اني مشتركة ف باكج حمام مغربي كل اسبوعين)

– عندي منطقة البطن بارزة بشكل خفيف يعني واضحة مع ان وزني 62
مع اني امشي و اسوي رياضة و ايروبيك

و الطامة الكبرى اللي افكر فيها 24 ساعه
ان ريلي في كل الفنادق اللي بنسكن فيها حاجز مسبح و جاكوزي لمدة شهر
و دوم ينغزني عن ها السالفة اقصد انه حاجز مسبح << يعني قصده بتسبحين بتسبحين
وخاصة هو من النوع الرياضي يعني يهتم بنفسه و جي
كيف بتسبح والله بموت ع ها الجسم

ساعدوني بليز ابغي حلللللللللللللللللللل اكيد 100% يعني شي انتوا مجربينها
دخيلكم بنات طالبتكم طلبة اللي تعرف تساعدني
ابغي شي مجرب مب دعاية و بس

يا عسى اللي تساعدني الله يسهل امرها و يسعدها
شرات ما بتسهل امري و بتسعدني بمساعدتها بإذن الله

والاهم الاهم قبل العرس سوي تشقير للجسم كامل وووايد ايبيض ويوحد اللون وعقبها بيوم سوي حلاوه جسم كامل ..

ما عليج الشباب ما يدققون وايد وحطيج احياينا بودرة اساس قوية المكان اللي تبينه ولا بيبين ..

شو رايج انا بقولج بعد خذيلج بودرة اساس ضد الماي وخلاص انحلت المشكله ..

وان شاء الله تبضبط الامور