السلام عليكم ورحمة الله وبركاته ..
شحالكم؟
امممممم من فتره وانا افكر وافكر عاد قلت خل أسال اهني احسن ..
ابا اعرف .. هل الكاب الحراري اللي نشتريه من محل أدوات الصوالين للاستخدام المنزلي يضر بالحامل حتى لو مثلا تحكمنا بالحراره وماخليناها وايد عاليه؟؟
وبعد ابا اعرف هل كريم ازالة الشعر مثل فيت و نير يضر بالحامل؟؟
انا من زمان استخدمه للمنطقه الحساسه بس يوم عرست قمت اشل بموس ماتحمل عوار الحلاوه واخاف بعد
(يعني لاتحاولون وياي وتقولون احط مخدر ومادري شو الحلاوه شالتنها من بالي بالمره)
اممممممم ومتى السفر القصير (ساعه) مايكون مضر بالحامل؟؟؟ وياريت لو في وحده سائله دكتورتها تخبرني …
حبيبتي ليش ماتيمعين هالاسئله لانها مهمه وتسالين دكتورتج احسن هي عندها الجواب الشافي
نحن حتى لو جاوبنا مابيكون جواب علمي وعن دراسه
انا اعتقد ان كريم نير مضر لان فيه مواد كيماويه فتحاشيه حتى لو كنت مب حامل
والسفر اذا كنت فالشهور الاولى من الافضل انج ما تجازفين تسيرين دروب طويله او فيها تخضخيضات وايده التعب مب زين للحامل فالشهور الاولى
لكن من بعد الشهور الثلاث الاولى اعتقد وصلتي فترة الامان وتقدرين تسافرين لكن من الافضل ماتكون سفره طويله المدى ومتعبه عشان ظهرج مايعورج وريلج ماتتورم
اما بالنسبه لشعرج وتعريضه للحراره اذا خفيفه ماعتقد يضر الحامل
هذا والله اعلم
المشاركة الأصلية كتبت بواسطة miss amal 
نحن حتى لو جاوبنا مابيكون جواب علمي وعن دراسه
ان شاءالله بسأل بس موعدي الشهر الياي .. قلت اشوف اهني يمكن في بنات اسئلن الدكتوره …
انا بعد قريت انه السفر مب زين ف اول 3 شهور .. لكن ان شاءالله بتأكد من الدكتوره
مشكوره حبوبه ع مرورج
ان شا الله البنات يفيدونج
إن شاء الله الخوات ايساعدونج 
للرفع
أب أب
اعتقد النير مب زين لان كله مواد كيماويه …. و صبغ الشعر بعد مب زين
و باقي الاشياء ما اعرف عنها شئ ….. انا ميح في سوالف الحمل