أخواااتي ..
سؤال كثيراا ما يراودني ،، فأحببت معرفة رأي كل واحدة منكن إذا تقدم لخطبتك أحدهم ،، متدين طبعا الوضع المادي ممتاز جدااا
لا ينقصه شئ ،، سوى أنه يرغب بك كزوجة ثانية ..
هل تقبلين أم ترفضين ؟
لمـــــــــــــــــــــــــــــاذا ؟؟؟؟
وما الأسباب التي تدفعك لرفضه ؟
ومن لها رأي أو وجهة نظر أخرى فلا تبخل علينا ..
بكل اختصار لا
لانه ما بيعدل بينا وما اظمن يحبني لانه الحب دوم للاولى اما الثانيه تكون مجرد نزوه
بصراحه
ماعندي مانع سواء وصلت سن العنوسه او كنت صغيره
ماشوف فالمزوج اي سبب يمنعني ارفضه لانه ماطلب شي حرام ها من حقه ذا كان له اسبابه
يمكن رايي ماايعجب شريحة كبيره بس انا شبه مقتنعه فيه
للعلم ولله الحمد اني انخطبت وايد , فوق ماتصورون بس ماصار نصيب
اما الرفض مني او من الوالد , وبالاخص الوالد اول شي عنده الشهاده والشغل
واخر اهتماماته الزواج ها اذا ماكان شايل هالفكره من باله , وطبعا مثل مانعرف
الصغير دايما يكون مرغوب والعمر يمر والوحده تكبر ةكل ماكبرت قلت فرص الزواج ها اذا مانعدمت
شو بتسوي الوحده اتم عانس وله ترضى تكون الثانيه للعلم ترى لما الوحده ترضى تكون الثانيه
لاتتوقعون اهي راضيه ومستانسه بالعكس تحس نفسها مجبورة على هالشي
احساس الامومه يلاحقها وهالشي فطري في كل وحده فما يدامها حل غير انها ترضى
بهالشي واذا الاولى اتضايجت وصارت لها مشاكل فتاكدي ان الثانيه لها وضع ثاني
جبرها الزمن ترضى فيه
برضى فحالة يكون في سبب معين لو هي ما تييب عيال او من هالقبيل ,, و ما برضى بنفس الوقت لاني ما برضى اهدم بيت على حسابي ,, بعدين الوحده ما ترضاها على نفسها كيف بترضى هالشي على غيرها ,,
انا مع الرفض والرفض بشده
لان الي ماارضاه لنفسي ماارضاه لغيري
انا مارضى زوجي يتزوج علي مهمها كان السبب واكيد غيري ماتقبل زوجها يتزوج عليها
الحياه سلف ودين
حسب الضروف لو كنت عانس برضى عشان افتك من هالمسمى خصوصا لو كانت البنت تحس بضغط من اهلها ومن المجتمع هي قصدها من هالزواج الهروب لاغير وعادي لو اطلق منه عقب لاني بس خذيته عسب يمحي مسمى عانس ..
اما لو كنت مطلقة او ارملة ما ارضى لاني متزوجة واحساس انه بتييج زوجة ثانية احساس مميت فما اقدر اظلم هالزوجة المسكينة بسببي ..
على حسب
اذا الريال عنده سبب مقنع يخليه يتزوج .. والريال زين ومافيه شي ماعندي مانع ..
والشرع محلل للريال 4 .. ومن حقه الشرعي يتزوج ويعدل بين زوجاته ..
من فترة تقريبا كان متقدم لي واحد متزوج .. وبينه وبين مرته مشاكل وهاجرنها وخبروني كل شي عن حياته بالتفصيل والريال زين مافيه شي .. وبصراحه ما كان عندي مانع بس الشي اللي خلاني اتراجع عنه انه زوجته ويانا بالدوام وماحبيت تصير لي مشاكل وياها بالدوام .. هيه بروحها من النوع اللي كله يصرخ خخخخ ..
وبس يعني بالنهايه حسب ظروف الشخصين 