هل ترضين بالسّكن مع أهل الزوج؟؟؟

هل ترضين بالسّكن مع أهل الزوج؟؟؟
السلام عليكم ورحمة الله وبركاته:

على حسب اهل الزوج يعني انا مثلا سكنت مع اهل زوجي 4 سنوات
ولما كونت عايله انا وزوجي ضاق علينا المكان بسبب الاطفال اجرنا منزل
والوحده تراعي ظروف زوجها في البدايه لين ما الله يفرجها والمعامله مع ام الزوج بالدلالوالحب لو تبالغين يكون افضل علشان تكسبينها لكن المشكله مو دايما بام الزوج احيانا خواته ابوه مرت حميها

صراحه انا اشوف ان الوحده تسكن بروحها وايد احسن لها وبعيد عن الصدعه والقيل والقال
حتى لو اهل الزوج طيبين وما فيه مشاكل لكن تعرفون حريم لازم يتكلمون وينغزون ولا ما يرتاحون
انا ساكنه بيت اهل ريلي والحمد لله صح اني مرتاحه لاني مطنشه بس يكون فيه عتب راحت وما نزلت ما تيلس معانا وايد واي شي تشترينه لازم يمر على الجمارك ولا ها ما تبى تورينا يعني من هالحركات يمكن ما يقصدون فيها شي بس الوحده ما تحس بخصوصيه وبعدين يصير تدخل منهم في حياتج لو على الخفيف يعني انا يلست كم شهر اقنع ريلي ادرس واكمل دراستي و هو شبه موافق يلسنا مع اهله قالوا شو تبين والدراسه صعبه ويمكن ما ترومين تكملين وبتحملين ومن هالكلام وغير ريلي رايه والله مت غصه وتكون عينهم على كل شي
وانا شخصيا ما اقولكم بيني وبينهم مشاكل لا عادي انا مطنشه ومعتبره هالامر عادي وادري ان هم ما يقصدون شي لكن و الله الوحده اذا تبا تعيش مرتاحه مع ريلها و تكون لها خصوصيه ومحد يدخل بحياتها احسن شي بيت بروحج
وخصوصا لو ريلج عنده خوان معرسين وساكنين بنفس البيت

[08]وهذي وجهت نظري[/08]

طبعا .. أعيش مع أهل زوجي (( إن شاء الله يوم بعرس )) ههههههههههههههههههههههههههه

السوالم

من وجهة نظرى كل شى له ايجابيات وسلبيات…..يعنى الوحده الى تسكن عند اهل زوجها بتحصل مميزات وهى
ما تتحمل مسؤلية البيت..يعنى تدخل وتطلع على راحتها ما تيلس تحاتى امور البيت
واذا طلعت من البيت وعندها عيال وما تقدر توديهم وياها….ممكن تخليهم ويا جدتهم او عماتهم
وخاصه اذا كانت الوحده موظفه او طالبه….بيكون خروجها يوميا ….حتى لو كان عندها شغاله ع الاقل بيكون
تحت اشراف الجده…..ويوم الزوج يسافر بتحصل لهل ونس فى البيت….خاصه اذا كان بيت اهلها بعيد …
والحياه تجارب خواتى …يعنى الوحده فينا تتعلم اشياء وايد وخبرات يديده فى التعامل مع الناس والامور المنزليه
والخلافات ممكن تصير ….بس الحرمه لازم تصبر وتكسب زوجها….وصدقونى خواتى مافى وحده تصبر الا وعوضها
رب العالمين بكل خير وذلك عن تجربه….والسموووووووووحه.

كل واحد وحسب ظروفه , يعني إذا كان الريال يسكن بروحه مع أمه وأبوه هذا مافيها شي , وإذا كان عندها ملحق منعزل عن بيت أهل ريلها هذا عااااااادي .

أما إذا كان عندها غرفة أو غرفتين داخل بيت أهله وعندهم حريم أعيالهم ,لالالالالالالالالالالالالا :1 (22): :1 (22): :1 (22): الأحسن أنها تطلع بيت بروحها , لأن يمعة الحريم ما تيب غير القيل والقال وتسبب مشاكل

انا ساكته بيت بروحى بس تمنيت اسكن مع اهل زوجى سبحان الله