خواتي تغيبت عندكم بسبب مشكله بالنت. المهم أنا حبيت أخبركم أني من اسبوع دشيت وقررت اشد همتي واضعف لاني بصراحه وايد خسرت أشيا بحياتي ومازلت بسبب المتن. كنت خبرتكم بمشي علي الرجيم الثلاثي اللي ينقص30كيلو ب12 يوم وبتعاقب اللي ما يلتزم وانا ما التزمت وعاقبت نفسي زياده ساعه رياضه وحرمان من العشا ونقصت وايد ما صدقت عمري من 104 تقريبا صرت 98 وأمس يوم فري واليوم كنت تعبانه شوي بصراحه ماتغديت وحذيت راحتي بس ماكان لي نفس واكلت ساندويتش لاني كنت دايخه.
وحابه ونفسي امشي علي الرجيم الثلاثي ك تجربه أنا اجربها واستفيد وأفيد خواتي منها
انشالله من بكري يبدي ب الرجيم الثلاثي وهو كالاتي
اول 3 ايام. خيار ولبن
ثاني 3 ايام. خضروات
ثالث 3 ايام. فواجهه
رابع 3 ايام. بروتينات سمك دجاج لحم مشوي او مسلوق. بيض. فطر
مع 3لتر ماي ب اليوم + كل يوم رياضه ساعه وتمرين البطن 100مره
اول شيء سلامتج ماتشوفين شر?
وماشاءالله عليج مبروك النزول الله يقويج وتنزلين اكثر
بالتوفيج ^^
الحمدلله عالسلامه
ماشاءالله عليج مبروك عليج النزول
بس لا تتعبين نفس وايد لان النزول السريع بيتعبج وايد وممكن تردينه بسرعه
اهم شي انج تتمسكيم بارادتج و العزيمه و تستمرين على الرياضه
(=
موفقة
ان شاءالله توصلين للوزن اللي تبينه
بس ماشاءالله حلوين 5 كيلو اللي نقصتيهم فالاسبوع
أنا دوم ما أنصح بالرجيم.. وخاصه اللي يخليج تنقصين بسهوله…لأنج بتردينهم بسهوله… أفضل شي الواحد يغير روتين حياته.. ويوصل للوزن اللي يباه على المدى الطويل.. بجيه بيحافظ على الوزن اللي خسره ومابيرده بسهوله..
غيري روتين حياتج.. أكلي أكل صحي.. وابتعدي عن الكاكاو والوجبات السريعه والسكريات الوايده.. واعتمدي الرياضه في حياتج عشان تتغير نفسيتج واتحسين عمرج خفيفه.. مب بس اتحسين عمرج مجبوره أنج اتسوين رياضه هالفتره بس عشان تضعفين
وربي يوفقج أختي ويسعدج ويحققلج كل اللي تتمنينه