السلام عليكن حريم
انا جديده معاكم
رحبوبي ,,,,,,
بنات عندي مشكله واتمنى تحصلولي حل لها
هالااااااااااات سودا
it`s make me crazy
والله حاولت اعدل فيهم بس ما راحو قابل علي عرس
وصاير وجهي زي الباندا
طالع شكلي مره غلط لدرجة اني صرت البس نظاره طول الوقت لما اطلع حتى بالليل
عطوني حل فديتكم
اتريااااااااكم ع احر من الجمر
جربي تسوين ماسك الافوكادو
مشكوره اختي
عسى يفيدني
,,,,,,,,,,,,,,
انا مره سمعت دكتور جلديه يقول اذا كانت الهالات صبغه هاي مالهاعلااج وماتخووز يعني لو بتدفعيين الالاف ع الكريماات وعلى العلااج بيكون ع الفاااضي
حبيبتي انا كان موووووووووووول مافيني بس صار فيني ضعف نظر وعيوني صارت حساسه مره خاصة من الضوء
وعاد صرت البس نضاره ومع الوقت بدت الهالات السودا تسيطر ع منطقة العين
والحين ابغى اودرها والبس عدسات بس جد مااااااااااااايصير لان هالاتي مره مبينه
حطي كل يوم كمادات شاي ليبتون
وكمادات ماي ورد بارد بنفس الوقت وبتدعين لي
واشربي ماي وايد ونامي واااااااااااايد فالليل يعني ساعات متواصله أهم شي النوم المريح يعني بعيدا عن السهر
وأول ما تنشين من الرقاد غسلي ويهج بكمادة ماي ورد بارد .. وإشربي كوب ماي ورد أو ماي عادي إستمري لين عرسج هالشكل لا تسهرين أبدا أبدا أبدا …واللابتوب خليه لا تيلسين عليه إسبوع بس آخر الإسبوع شيكي إذا تبغين منه شي ضروري
إتبعي هالشي كعلاج من دكتور وإدعيلي إن الله إهون علي الطلق وإسهل ولادتي وخبريني بالنتيجه
صدقيني سوي الي قلت لج عليه لو شهر بتشوفين فرق كبير لاني أنا مريت بهالشي قبل العرس وألحين ما شا الله لو تشوفين ويهي
وإهتمي بنفس الوقت بويهج حطيلج قناع مثلا عسل وروب أو عسل وحبة البركه أو قناع شد البشرة (بياض بيض ونشا ونقطة ليمون )
كلي قبل لرقاد سلطة فواكه إنتي سويها …أو سلطه خضرة مع روب …أو أو إخلطي بالخلاط تفاحه مع حليب بينفخ لج ويهج وبسويلج خدود …أو سويلج روب مع بقدونس ناعم