بنتي عمرها الحين سنة و 3 شهور .. و بعدها تقوم فالليل تشرب حليب .. انا ادري أنه الوضع طبيعي .. بس سمعت من كذا وحدة
بس ما كان الوضع مناسب افتح نقاش معاهم .. قالوا خلاص بعد السنة عيالهم ما ينشون فالليل ..
شو ممكن اسوي لأني اداوم و ما احس اني ارقد عدل ..
انا عادة اعطيها حليب قبل لا ترقد او اعشّيها .. اعطيها اكل لين تشبع بس الوضع نفسه ..
ياليت اللي مرت بنفس الوضع و لقت حل تفيدنا ..
ولدي كان نفس الحاله في يهال ما شاء الله عليهم متعبين والجنه تحت اقدام الامهات
انا اعاني مع ولدي لين الحين عمره سنة وسبع شهور يقوم بالليل اكثر عن خمس مراااات
ولحد الحين ما حصلت له حل
نفس الحال الوحدة ما ترقد وهي مرتاحة : /
وانا بعد نفس الحالة .. بنتي تنش بليل تبي حليب
الله يعطينا طولة البال ويصبرنا
بس علموهم يرضعون بروحهم من المرضعه وبالتوفيق
لا الغاليه المفروض ما تنش فليل و ترقد رقده متواصله في هالسن
و هالكلام من الدكاتره و كتب التربيه مب من عندي
الطفل بعد السنه ينام من 10 ل 12 ساعه فليل
و ساعه لساعتين قيلوله خلال اليوم
شوفي بنتج اذا ترقد قيلوله طويله خلي قيلولتها ساعه بس ووعيها لعبيها بس لا تقطعين القيلوله ابدا
لازم لازم الطفل ينام قيلوله الهر او العصر عشان يروم يرقد مرتاح فليل
فليل قبل النوم لازم تهيئين الجو للنوم من حيث الاضاءة و الازعاج تخفين كل شي
تعطينها عشاء مشبع قبل النوم بساعتين و قبل النوم عطيها رضعه حليب (في عمر السنه الطفل يحتاج رضعتين ل 3رضعات فقط)
و اقري الاذكار و خطيها ترقد
و مارسي هالشي يوميا لين يصير روتينها و ترقد بروحها
ما بتنش فليل لو هي شبعانه و الجو مهيأ
جربي و ردي عليه 
ان شاء الله ترقد فليل و ترتاحين