نخيتكم يابنات حساسية ولدي الرضيع……
ولدي من عمره خمس شهور وهو فيه حساسية بوجهه والحين عمره عشر شهور اذا قام من النوم مفرشه مليان دم وصديد… تعبت معه والله وضيق صدري… يوجعه حيل فاللي تعرف له علاج تدلني عليه والدكتورة تقول الاجسام المضادة مرتفعة عنده حيل… وانا محتارة وان شاء انكم قده وقدود…..
حبيبي الف سلامه عليه انشاء الله وديه عيادة جلديه وعليج بالفازلين لي غطاه اخضر هب ازرق عشان يرطب ويهه عن الجفاف حطيلة طبقه ع ويهه فالليل وحطيله علاجاته فالنهار والله يشفيه انشاء الله
الغاليه اذا في مجال سفريه تايلند
عزيزتي ما عليه الا العافية ان شاء الله
عليج بدكتور علي سنجل في دبي
في مركز مزايا
ولد عمي قبل يته حساسية محد عرفله الا هو
اختج
الخرشة
ما عليه شر إن شاء الله
بنتي كانت جيه فيها حساسية في ويها بس يوم وديتها التطعيم
نصحتني الدكتورة بتغيير الحليب
استغربت وقلت معقولة تكون الحساسية من الحليب
وبالفعل غيرت لها الحليب اللي قالت لي عند الدكتورة
والين الحين بنتي كملت 3 سنوات ما شاء الله ما ردت لها مرة ثانية
أختي أعرضي ولدج على دكتور أطفال أول شئ وهو بيخبرج واساليه هل الحليب له دور في تسبب الحساسية
الله يشافيه ويعافيه يا رب
اختي يمكن انتي تستخدمين مستحضرات جونسون اند جونسون انتبهي تراها مب زينه وسببت حساسية لأبنت اخوي
شوفي حبيبتي بنتي ظلت تقريبا سنتين وهي تعاني من الحساسيه بس ويها
كانت تتحسس من بعض أنواع الأكل مجرد ماتاكله ويهه ينترس حبوب حتى
عيونها ماتسلم طبعا جربت الدكاتره بس مانفعوا جربت المطاوعه الحمدلله
صارت أحسن بس رجعتلها مره ثانيه في ناس يزاهم الله نصحوني بالماي الحار
الي بالمبزره بالعين قالولي لازم عند المنبع تسبحين البنت وتقرين آية الكرسي
والمعوذات وكل الي تقدرين عليه والمنبع تحصلينه عند مسبح الرجال ترا الماي
وايد حار انتي غسلي ويهه وجسمه ..أنارحت مرتين أو ثلاث بس ماشاءالله
والحمدلله راحت وماردت من كم سنه وأنا أنصحج تجربين انتي مو خسرانه شي
الله يشفيه انشاءالله..