السلام عليكم و رحمة الله
بغيت اخذ منكن خبرات في التخدير للعمليات القيصرية… شو الأفضل التخدير الموضعي و لا والتخدير الكلي ان شاء الله موعدي 17 مايو والدكاترة يبوني اخذ تخدير موضعي بس انا خايفة هذا البيبي بيكون الثالث ان شاء الله و اول ولدين عندي كانوا يقيصرية بس تخدير كلي فاللي حابه تخبرني تجربتها اتمنى تكون جربت الاثنينه عسب تعطيني الاحسن….
وتسلموووووون…
هلا اختي انا سولي موضعي اخر الظهر و نمت على طول لين ما قومني الدكتور و قالي مبروك يالي بنت اول بنت ف عادي
الموضعي افضل من الكلي … لعدة أسباب
1- اقل خطر من الكلي لان لاسمح الله ممكن الكلي لو فيه زيادة جرعه تسبب غيبوبه
2- البيبي مايطلع متخدر مثل التخدير الكلي .
3- اقل خطر لك واقل خطر للاعصاب بالجسم لانك مسويه عمليتين قبل كذا وكلها قيصري تخدير كلي والافضل هالمره توكلي على الله وسوي نصفي
الله يهون عليك يارب ويسهلها وتشوفي البيبي بأحسن صوره تفرح قلبك يارب .
أنا ربيت قيصري وكان التخدير موضعي وما حسيت بشي الا والياهل يصيح أجوف الموضعي افضل
أنا ربيت قيصري وكان التخدير موضعي بس حسيت بالالم وهم يسحبون وجي فخدروني زياده عن طريق الابره فالوريد مع المغذي
لاني كنت اتالم .. بس بنات خالتي كلهم موضعي ولا حسوا ابد ماشاءالله وكانوا واعين ويشوفون كل شي
سبحان الله حسب الجسم وطبيعته والحين كله موضعي ينصحونج فيه لان التخدير الكلي خطورته اكثر والهلوسه اكثر ممكن تكون عقب
ويبالج فتره عشان تنشين من البنج
ربي يسهل عليج أن شاء آللـه .. ^^
ربي يوفقج
ويسهل عليج