السلام عليكم ورحمة الله وبركـاته..
احبتـــي… وضع بريد المشكلات من اجلكم…
منكـم ولـكم…
والهدف الحقيقي من فتحه هو مد يد العون لبعضنا البعض
والمساهمه في الاقتراحات الفعاله والاراء البناءة…
ولكي نحقق معـاً اروع النتائج.. لابد من الوقوف على اهم النقاط
اولها : نحاول ان يكون الرد ايجابي يبني لا يهدم
ثانيها : تتفاوت درجات المشكلات ولكن يجب ان نعلم ان لم تكن المشكله مهمة لدى البعض
فهي مهمة لصاحبتهـا…
لن اطيل عليكم…
ونبدأ
تقول صاحبة الرساله
مشكلتي انه انا في فترة الملجة ولاحظت انه زوجي شخصيتة وااايد ضعيفة .. هو واايد طيب و مايحب يزعل حد .
اي حد يطلب منه شي يسويه على حساب راحته.. واي حد يطلب منه فلوس يعطيه ومايهمه اذا الشخص بيرجعهم او لا
اقوله هالشي غلط يقولي عادي يعني انا شو باخذ وياي من هالدنيا والفلوس وسخ دنيا
اقوله كلنا مابناخذ ويانا شي بس مانتصرف بهذي الطريقة
حسب ماالاحظ من الي يصرفه على الناس مااتوقع يتبقى شي من راتبه.. ورانا بيت وعيال وفالهزمن ماحد ينفع حد
ومااريد ايي يوم نحتاي فيه حد
واايد مواقف بينتلي انه اهله وربعه يستغلوه مادياً.ويتحكموا فيه بعد.. وهذا الشي يقهرني.
تكلمت وياه مرة وزعل مني قالي انتي تعتقدي اني مب ريال وشخصيتي ضعيفه!!!
وقالي اني كرهتج .. بس بعدين اعتذرلي
بس انا ماقلتله انه شخصيته ضعيفه .. قلتله ماحب حد يقرر عنك وانت تنفذ
وتناقشنا واخر شي قالي انتي كلامج صح بس هذا طبعي من وانا صغير وعشانج بغير نفسي بس بعد العرس يوم بتكوني وياي فبيت واحد
بس قلتله اريدك من الحين تتغير قالي ان شاء الله
بس ماشي فايده … ورجعت تكلمت وياه اكثر من مرة بس ماشي تغير
قلتله هالشي بيسبب لنا مشاكل بعد الزواج خاصه اني من النوع الي ماحب حد يتحكم فيي ولا يتدخل فشي يخصني ابدا
واكيد مابيرضيني انه حد يتحكم فيه وبيسبب مشاكل بينا
قالي لاتخافي ماحد بيتدخل فيي بعد الزواج
مااعرف شو الحل وياه تعبت منه .. وفكرت اني انفصل عنه ولمحتله انه هالمشكله ممكن تخلينا ننفصل
قعد يصيح وقالي لاتخليني ولاتقولي هالكلام مرة ثانية انا مااقدر اعيش بدونج
مب عارفه شو الحل وياه
طبعا لاحظت بعدين انه تغير من بعد هالموقف لانه قبل كان يقولي انتي اهم وحده عندي ومابسمح لحد يزعلج
قالي هذا طبعي والي بقدر عليه بسويه والي اشوفه صح بسويه.. عجبج هالشي زين ماعجبج مشكلتج واسمحيلي
وماصار يتكلم وياي وايد ولا يطرشلي مسجات مثل قبل ويوم يتصل كله ساكت
وقبل كان يوم بيسير مكان يخبرني الحين مايخبرني
وحاولت وياه اعرف شو فيه .. قالي مافيي شي انتي تتوهمي
وايد اشيا تغيرت فيه 
انا شكيت انه يمكن يكون حد طلب منه يعاملني بهالطريقة
حبيبتي …
ترى الريال مهما كااان ما يحب حد يحسسه انه ضعيف..وشكله ريلج تضايق يوم لمحتيله انج بتنفصلين عنه ..والحين صار يحاول يتجاهلج عشان ما تبينيله نقطة ضعفه..
حاولي ف يوم تطرشيله مسج ان يوم يفضى يكلمج..وناقشييه وفهمييه انج تحبينه وتبين مصلحتكم … والله يوفقج ان شاءالله ^^
حبيبتي قوليلها خلى تقوله ان يوم حد يطلب منه اي طلبه ان يفكر في هالشي الف مره ويشوف اذا الشخص بيرد له فلوسه او لا ،، لان لو جي ما بيقد يتزوج وهو اصلا يمشي ع راي الغير وهو ماله راي ،، خليها تقوله انا سمعت من برع يقولون عنك بسرعه ينقص عليك او شي من جي ،، يعني لازم تنغزه والا باجر كل شي بيطيح فوق راسهم ،،
والسموحه
انتي كنتي وايد تحنين عليه انه يتغير والريال ما يحب الحنه
صبري عليه هو قالج في بعد العرس بيتغير واذا ما تغير عقب لكل حادث حديث
وغلطتي يوم قلتي انج بتنفصلين عنه لأن الريال ما يحب التهديد وهذا يعتبر تهديد
انتي احين سايسيه وفكر عدل قبل ما تقولين له أي كلمه
الريايل أيون بالسياسة
والله يوفقج ان شاء الله
المشاركة الأصلية كتبت بواسطة الولهـانه 
ترى الريال مهما كااان ما يحب حد يحسسه انه ضعيف..وشكله ريلج تضايق يوم لمحتيله انج بتنفصلين عنه ..والحين صار يحاول يتجاهلج عشان ما تبينيله نقطة ضعفه..
حاولي ف يوم تطرشيله مسج ان يوم يفضى يكلمج..وناقشييه وفهمييه انج تحبينه وتبين مصلحتكم … والله يوفقج ان شاءالله ^^
الرجل يا عزيزتي حساس جدا جدا خصوصا في اي شي يخص رجولته هو اكيد بهالتصرفات يحاول يعوض نقص فيه او من طفولته محد كان يمدحه ويثني عليه فكبر وكبر معاه هالاحساس وقال فخاطره انا لازم اسوي شغلات وايد استحوذ فيها ع اهتمام الناس
الحلول بالنسبة لي :
لازم يمر بمواقف صعبه تهزه شوي وتصحيه من اللي يالس اسويه بعمره
انتي اختي الغالية بحنانج ودلعج واهتمامج فيه اكثر باذن الله بيتغير
الزواج يغير وايد في الريال يحس بالمسولية اكثر اصبري عليه الغالية هالانسان طيب وايد ويحبج وايد ومبين من رمستج عنه انه مب لعب ولا شرب ولا سوالف بنات حطيه في عيونج ما بتلاقين مثله
الدعاء المستمر له والله يا اختي انا بالدعاء سويت العجب في زوجي كانت عنده سلبيات بسيطه جدا جدا والحمدلله الحين ما في اروع منه ماشاء الله عليه
الله يهون عليج اختي ويهدي بالج
مبين عليج حساسه وايد وهذا غلط هالصفه ما تنفع للحياة الزوجيه خفي منها شوي تراها تخليج تشوفين النمله فيييييل
الله يرضى عليج ويرضيج