من بريد المشكلات المشكله الـ

انا من عرست تقريبا سنه و6 شهور ومن عقب كمن شهر بدا ريلي يظربني على اسباب ترزا وماترزا فالشهر مره او فالشهرين مره فالبدايه كان طراق طراقين ويرد يستسمح واسامحه واقول اخر مره ثاني مره بخبر اهليه بس عقب تم يمد ايييده عليه اكثر ويوصلها الظرب على راسي ويخنقني ووين مايت ايده ظربني اللي يشوفه تقول يظرب واحد من ربعه مب حرمه لين اليوم
اليوم كسرني من الظرب وانا اترجاه وهو بلا رحمه والسبب اني البارحه قلت له بطلع السوق قالي اوكي واليوم يا الظهر وانا كنت معصبه قلت له انا قايلتلك بروح السوق قالي انا من الصبح فالبيت بس ماييت اوعيج وانتي مادقيتي وعصبت وقلت له بصوت عالي خوز عني هو عصب ليش تقولين جيه وانا ماغلط عليييج وظربني ظرب
انا غلطانه بس مب معناته انه يجتلني من الظرب رحت وشليت اغراضي كنت باتصل لاخويه وقالي بوديج بشرط ماتخبرين لا اهليه ولا اهلج بالسالفه وقلت له ماعليه المهم اطلع وطلعت برا عند عموه وانا ريولي ماتشلني وهي عرفت انه فيه شي للعلم اتعرف انه يظربني بس هيه ظعيفه وايد وهي اللي عودت عيالها يتسلطووون ولدها الصغير من الحين يظرب خواته ولاتقوله شي ومب طايعه تخبر عمي عن اللي يسويه فيييه لانه فيه السكر وتخاف عليييه بس مب على حسابي انا كل مره يظربني اقوى عن اللي قبل والله اليوم من قو الظرب اغمى عليه شل يديه يشوف اذ حيه وبعدين ظربني على ظهريه بريله وحسيت ورد وظربني حرام تعبت مب عارفه شسوي اذ خبرت اهليه بيكبرون السالفه واذ خبرت اخووويه والله بروح من ريلي شسوي شورو عليييه
وعقب مايظربني يرد يستسمح ويحلف مايعيدها