هنا مشكله قد بعثتها احدى الاخوات راجية من الله العلي القدير ومن ثم منكن الحل الامثل لكي تتخطي هذه المشكله وتمشي بها المركب الى بر الامان…
وتذكري ياغاليه… ان مهما كانت المشكله يجب ان نراعي الله في الرد ونبتعد قدر الامكان عن التجريح والاهانه
فلولا عدم حاجة اختنا لحل لهذه المشكله لما كلفت نفسها ووضعت رسالتها…
راجيه منكن يا احبه..
ان تكون الردود بعقلانيه اكثر وحلول انسب دون الخروج عن اللب الحقيقي للمشكله…
بارك الله فيكن ونفع بكن 
تقول صاحبة المشكله
أنا ما أداني شي أسمه شغاله في البيت ، ع فكرة أنا مب معرسة بعدي
بس ما اطيق الشغاله في البيت أتيني حالة شك من وجودهاا
كل ما تسافر الشغالة أو تشرد يكون عندي عيد
نادرا ما أرتاح للشغالات
وكل ما قالوا بنحجز أحتجيت لهم وسويت سالفة وقلت لهم انا اللي بشتغل في البيت المهم ماشي شغاله
وأحين قريب أيبون شغاله فلبينيه أو أندونسيه !!!
لأني امي تقول لازم تكون شي شغاله في البيت ما يستوي تشتغلين بروحج
عموما أنا أكره الشغالاااااااااااااااااااات ما أدانيهم ما أرتاح لهم صح أنهم بشر مثلنا بس أنا جذا أشتغل بروحي ولا أيب شغاله
فشو الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هلا إختييه^^
أنا نفسج بالظبط ماحب الشغالات في البيت.. بس ملزومين شو نسوي^.*..
خص إنه بيتنا وايد ناس فيه ماشاء الله..!!
عالعمووم.. بما إنج ما تحبين تواجدها الدايم وياكم..
تروميين اتيبيين شغالة ""ساعية"" يعني بس اتييج جمن ساعة..!!
تكنس وتنظف ووتسوي وايد أشيا وتسير في نفس اليوم.. يعني ما تبات وياكم في البيت..!!
وعن الطباخ ما طباخ.. فها شي مقدور عليه وحلاته يوم مايكون من إيد الشغالة^^
وبجي ما تم شي من شغل البيت.. يعني الطبخ والنفخ عليكم..
والتنظيف والتكنيس وغيره وغيره ع الشغالة..!!
شو رايج؟؟^^
اعرظي هالفكرة عالأهل.. وإن شاء الله خيـــر..!!
تمنياتي لج بالتوفيج حبيبتي^^..
ممكن تحط لها حدود معينة ،
يعني مثلا :
غرفتي ممنوع تدخلينها بأي حال من الأحوال ،
شو نسوي ، شر لا بد منه 
انا رايي ان اذا انتي تقدرين تتحملين شغل البيت او عندج حد يساعدج في البيت مب لازم اتييبون شغاله
يعني اذا انتي متفرقه حق شغل البيت عادي مب لازم الشغاله
وان شاء الله توصلين للراي الصح
وبس هذا رايي
نفس الحاله والله
الود ودي مول ما احتاي في يوم للخدامات من البلاوي لي اسمعها
الخدامه انتي وحظج عاد غاديه شرات البطيخه لي ما تعرفين شو فبطنها
لكن انا عندي سؤال وبطرحه .. اذا بييب لي وحده بالساعات .. وعندي بيبي وانا اشتغل كيف الترتيب (( هذا في المستقبل ان شاء الله )) انا ما عندي شي لين الحين
انا اعتقد للاخت الحل هو الخدامه بالساعات ومراقبه تكون
الله المستعان
اختج العمر
احس هالاياام لابد من وجود الخداامات ..
وكفو عليج دامنج تقدرين تتحملين شغل البيت ولا يبون بشكارة واحييج أكثر لأنج مب معرسه وتقولين هاي الرمسه لأن المعرسه بسوي شغلها وشغل ريلها وعيالهاا أما انت فبيكون عليج شغل البيت كله .. خواتج اخوانج ..فإذا تقدرين على هذااا .. ما شاء الله عليج ياريتني مثلج ..
في نظري هااي مب مشكلة .. وكلن وله راي
أنا بعد مثلج كرهي الخدامات….في دعاء قوليه أول ما تيكم الخدامه اليديده
(( اللهم اني اسالك من خيرها وخير ماجلبت واعوذ بك من شرها وشر ماجلبت وما معها ))