بنات منو خذت ابرة الظهر في مستشفى النور اليديد و بكم خذتها ؟
انا اليوم قالولي انها ب 2500 و انه المريضه هي اللي تطلبها طبعا ف وقت الولادة
ف اللي يربتها عندهم بلييز تخبرني كيف معاملتهم و اللي ربت طبيعي عندهم تخبرني كم يوم يلست ف المستشفى !
أما اللي خذتها في مستشفى الرحبة بعد تخبرني اي وقت خذتها لأنه قالولي انه دكتور التخدير دوامه من الصبح يلين 4 بس !
و انا ناوية اخذها ان شاء الله لأني بجريه و وايد متروعه من الولاده 
ف قلت لو يتني الالام ف الليل بسير النور اليديد اما لو يتني ف النهار بسير الرحبة 
بس الي خايفه منه انه الرحبه مش اكيد بيعطوني اياها اما النور ضامنه بيعطوني اياها لأني بطلبها و بيكونون دكاترة التخدير متواجدين 24 ساعه
ف بشو تنصحوني وين اربي افضل و اللي مربيه ف هالمستشفيات ي ليت تخبرني تجربتها مع ابره الظهر
اختى انا ربيت بمستشفى الرحبة من سنتين و نص ربيت طبيعى الحمدلله و طلبت ابرة الضهر بس قالو انى لو ربيت باللليل ما فى حد يعطينى بالابرة يعنى بربى من غيرها و لو بالنهار اوكى فوضت امرى لله
الحمد لله ولادتى كانت الصبح و عطونى ابرة الضهر فى الاول و ما حسيت باى شى لا الام و لا وجع و لا شى الحمد لله و جبت ولد و الحين عمرو سنتين و نص و الحمدلله و ربنا ييسر ولادتك يارب
ربيت الاولى في النور خذتها …وايد اوكي وخدمه 100% عند دكتورة ماجده
الثانيه في الرحبة وخدمه 30% وماعطووني ابره الظهر قالت مايحتاج
المشاركة الأصلية كتبت بواسطة TITRITE 
الحمد لله ولادتى كانت الصبح و عطونى ابرة الضهر فى الاول و ما حسيت باى شى لا الام و لا وجع و لا شى الحمد لله و جبت ولد و الحين عمرو سنتين و نص و الحمدلله و ربنا ييسر ولادتك يارب
ربي يخليه لج
هيه ترا جيه هاللي متروعه منه انه لو يتني الالام ف الليل ما بضمن الابره ف الرحبة
المشاركة الأصلية كتبت بواسطة بنت ابوظبي الثانيه في الرحبة وخدمه 30% وماعطووني ابره الظهر قالت مايحتاج
والله شجعتيني اخذها ف النور ، انتي كم يوم تميتي ف مستشفى النور ؟ يخلونج يومين ولا كيف ؟
المشاركة الأصلية كتبت بواسطة بنت ابوظبي الثانيه في الرحبة وخدمه 30% وماعطووني ابره الظهر قالت مايحتاج
احس الحكومي ما بيحبو يعطوها بضلو يعملو اي شي انك ما تاخديها مقتنعنين انو خليك عالطبيعة زي اجداد اجدادنا 
انا لو مكانك اختي بروح عالنور .. صراحة ما بغامر ف هالموضوع يعني ما بتخيل حالى اذا ربنا يسر .. اني اولد بدون ابرة 