اتصلت لي ربيعتي اليوم وهيه ميته من لصياح وتقول انه اختها الصغيره اللي في ثاني ثانوي ترمس واحد عن طريق موبايلها (يعني الاخت الصغيره عندها موبايل )المهم فمره قرت اسم غريب بالصدفه على موبايل اختها اتصلت فرد عليها واحد وسكرت فويهيه وماقالت حق اختها الصغيره سكتت لانه الفتره كانت فترة امتحانات ومابغت اتخرب عليها او تدافن وياها وقبل كمن يوم كانت وياها فرن موبايلها فسكرته وماحطته عالصامت والاخت لكبيره فاهمه كل حركاتها وكل ماتحاول تزخ موبايلها هذيج تتغير الوانها .
المهم الحينه خلصت الامتحانات والاخت لكبيره تبى ترمس اختها لصغيره فالموضوع بس بطريقه هاديه لانه مثل ماتعرفون هيه في سن المراهقه ويمكن تتهور وتسوي شي موليه هب زين فاتصلت لي تبى رايي بصراحه ماعرفت شقول حقها المشكله انه البنت يوم ابوها اشتر الها الموبايل اخوانها الشبابا كلهم مارظاعو الا هيه ادافنت وياهم عشان يعطونها موبايل وشوفو شوه النتيجه .
الحينه ابى ردودكم شوه الحل من وجهة نظركم افيدوني الله يخليكم
خلي اختها تنصحها من بينهم وتبين لها انه الشباب اغلبهم لعوبين ولو يباها
ايي يخطبها وتنصحها واذا مافاد خلي اختها تشل عنها موبايلها واحرموها منه يمكن تعقل
والله يهديها
هلا الغاليه
كلنا بنقولج ان خليها ترمس اختها باسلوب وتنصحها ومن هالرمسه
لكن اذا البنت عندها موبايل وبعدها مراهقه,,مابتسمع الرمسه هذا شي أكييييييييييييد,,وبترمسه,,,لانها بتكون فهالوقت عايشه قصة حب وماتروم تفارق ومن هالخرابييييييييييييييييط اللي بتخليها تضيع
لو فرضنا انها رمست اختها وواجهتها انها تعرف بالموضوع,,,,شو بيصير؟ الاخت الصغيره يمكن تخاف ويمكن لا,,,,انا من رايي انها ترمس اختها باسلوب قوي اشوي,,ماتكون بارده معاها,,,تقوللها ان هالشي غلط وانها بتخبر عليها,,وخليها تاخذ رقم الولد وتهدده انه يبتعد عن اختها,,,,,
وتحاول قد ماتقدر انها تخلي اختها تبتعد عنه,,,ولو انه يباها يخطبها عقب,,,واذا اختها ماسمعت الرمسه,,,تاخذ الموبايل عنها,,وتهتم باختها الصغيره أكثر,,,أهم شي ماتخليها تكرهها
لكن انا اللي أشوفه ان دام اختها عندها الموبايل,,,,مابتروم تتركه,,وبترمسه بالدس,,,,مب دوم هي مع اختها
صدقوا لما قالو المراهقات ماينعطن موبايلات,,,,,,,,,,,,,,,
الله يعينها,,,قهر لما الاخت تشوف اختها تغلط وماتروم تسوي شي
الله يهدي اختها ويبعد عنها الغلط
السلام عليكم…
لو انا مكانها ولاني اعرف نفسيةا ختي والحل اللي يجدي معاها …
اخيرها بين حلين احلاهم مر
اما
تسلمني الامبايل ولا من شاف ولا من درى مع مجموعة تحذيرات تضرب في الصميم وعلى اساس ان الامبايل بتم كل المعلومات فيه
او
اشل المسأله كلها واعقها على اخواني وهم يتصرفون….وعاد تصرفات الاخوان مع الغيره الزايده جهنم وايد اهون…
وممكن اذا كان الحوار والنقاش ينفع معاها كنت بحاورها وبناقشها وببين لها ان هدف كل هالشباب اللي يتعرفون على بنات الناس ويلعبون بمشاعرهم هو التسليه والا لو يحبها كان ماذلها وضرها وخلاها ترمس الغريب 
وبعد الحوار والنقاش ممكن اتقرب من اختي اكثر عسب امنحها الثقه اكثر وامنحها الامان اكثر وهي تمنحني الثقه وبعدها كل الحواجز تُزال ويصير التعامل مع هالامر وايد سهل..
انا خيرتج بين عدة طريق وماعطيتج الحل المناسب لاني ماعرف نفسية الاخت فيهن يكابرن ويعاندن وياخذن المسألة تدخل في شؤون الغير
بس اول حل هو الاقوى ومفعوله سريع
كبدايه أسلوب القصص والعبر والمواقف إلي حدثت للبنات من قبلها ولو بحثت بالنت لوجدت الكثير من العبر
قبل تستخير وتتوكل على الله تبدأ لها بقصه مؤلمه بعدين بالتدريج تفاتحها بالموضوع وتسحب منها الموبايل وتقول لها الموضوع سري بيني وبينج
صدقيني اختي أنا و خواتي كلهم ما عرفنا شكل الموبايل الا يوم دخلنا الكليه مب سالفة انا معقدين بس دايما البنات في سن المراهقه و خاصة بنات المدارس يتأثرن بأي شي ينقال لهم و انتوا تعرفون شباب هالايام كيف. الله يهدين و يهدي خواتنا ويهدي بنات المسلمين انشالله
لايسحبون عنها الموبايل ولا يحرمونها من اي شي والله ها مب حل بتزيد عقب
خلي اختها ترمسها بالهداوه
تقولها انه الشباب كلم مال لعب الحبن
و مستحيل انه يحبها
اترا مافي شي بينفعها غير اهلها و دراستها
و اذا هي تحب اهلها ( اكيد ) ليش جي اتسويبهم
و من هالرمسه وانشالله الله بيهديها ^_^