((سوري على الغلطة المطبعية في العنوان))
منو حفظ دم الحبل السري لمولوده؟؟؟؟؟؟
مرحبا خواتيه
بغيت أسألكن منو حفظ دم الحبل السري لواحد من عياله
أو قد سمعتن بهشي؟؟؟؟
دكتورتي نصحتني بحفظ دم الحبل السري لمولودي
وهذا كله بسبب تاريخ عايلتنا إللي يعاني من أمراض وراثية
كنت أتحسب أنه بس للامراض الوراثية وبعد ما قريت و خذت البروشورات من عندها
عرفت أنه علاج لوايد من الامراض منها
سرطان الدم الله يبعده عنا
الأورام الليمفاوية
الاورام السرطانيه
أمراض نقص المناعة الذاتية و المكتسبة
وغيره و غيره وغيره يعني تقريبا فوق الـ75 مرض
طبعا من الدم هم يستخلصون الخلايا الجذعية إللي يتم عن طريقها العلاج
والخلايا بعد ما تتعاقدين مع البنك إللي بيحفظه لج
مستحيل يعطيه لأي شخص ثاني بس الاستخدام يقتصر على البيبي و أسرته و الأقارب طبعا بعد ما ياخذون الأذن من الوالدين
يا ليت إللي تعرف شي عن هالموضوع تفيدنا وخاصة إللي مجربين
صراحه ما اعرف يمكن وحده من البات اتفيدج الغاليه ::::::::
معقولة ولا وحده عندها فكرة
بس يالله
آآآآآآب
أختي حفظت دم الحبل السري لعيالها،،
وأنا الحمدلله اشتركت وياهم،، يتني الحرمة البيت،،، عطيتني أوراق أقرا و أوقع،،
ودفعت 3000 درهم،، وتعطيج صندوق،،
وقت الولادة،، تشلين الصندوق و تكونين من قبل مخبرة الدكتورة ،،
بس وتعطينهم الصندوق،، و بيحطون الدم فيه،، ولازم تتصلين بالحرمة عشان تشل عنج الصندوق و اتطرشه،،
بعد تقريبا أسبوعين،، بيسوون تحاليل للدم و كل شيء،، بعدين بيتصلون فيج و بيخبرونج لو الدم ينفع للحفظ،،
إذا يستوي تكملين الدفع و تدفعين 10000 درهم،،
اسم الشركة كرايوسيف
اول مره اعرف عن هالشي
اول مره اسمع بهالشي
المشاركة الأصلية كتبت بواسطة ::ملاك:: 
وأنا الحمدلله اشتركت وياهم،، يتني الحرمة البيت،،، عطيتني أوراق أقرا و أوقع،،
ودفعت 3000 درهم،، وتعطيج صندوق،،
وقت الولادة،، تشلين الصندوق و تكونين من قبل مخبرة الدكتورة ،،
بس وتعطينهم الصندوق،، و بيحطون الدم فيه،، ولازم تتصلين بالحرمة عشان تشل عنج الصندوق و اتطرشه،،
بعد تقريبا أسبوعين،، بيسوون تحاليل للدم و كل شيء،، بعدين بيتصلون فيج و بيخبرونج لو الدم ينفع للحفظ،،
إذا يستوي تكملين الدفع و تدفعين 10000 درهم،،
اسم الشركة كرايوسيف
مشكورة الغالية على المرور
واحد من البروشورات كان عن هالشركة
بس الغالية ممكن تسألين أختج
هل تعبت وقت سحب الدم لانه إللي أعرفه أنهم يأخرون نزول المشيمة علشان سحب الدم منها ومن الحبل السري
وفوقه أنا بجر وبروحي متروعة من الولادة ويتني هالسالفة بعد وقمت أحاتي أكثر