السلام عليكم
شحالكم خواتي الصراحه ماتوقعت الشؤون تسوي جي انا الي احيده يزيدون
الصراحه حرام ناس فقراء محتاجه يقولون الحمدالله بس شكوى لغير الله مذله
السلام عليكم
انا طالبه ادرس كنت استلم من الشؤوون 4000 وهذا الشهر استلمت 2024 قلت اكيد في عطل
يوم اتصلت لهم قالولي كل الطالبات بيستلمون مثلج قلتلها ليش قالت من الوزاره ليش بعد عسب البترول ولا شو بالضبط كل شي رفعو سعره تنقصونا يعني مانعيش مثلا نتم جذه
يعني حرام والله بعدني ماشتغلت 2024 ماتسدني الحمد الله كل حال بس ليش جي المفروض يزيدون مب ينقصون
اغراضي بروحي اشتريها ثيابي بروحي اخذهن افصل عبي بروحي انا ع قد حالي ماشتري شي غالي بس والله مايسدن الباص انا ادفع له شو بيبقالي
ليش مايحسون
ليش مايفكرون كنت ب 4000 عايشه ويبقالي 500 وشي بعد ولا 1000 لين اخر الشهر حرام عليهم قسم بالله حسبي الله ونعم الوكيل
منو خصمو عنها ؟
الصراحه قلبي عورني اتمنى الوزاره ترجع مثل قبل
صدقتي الغاليه وايد امور تغيرت في الشؤون الاجتماعيه
حتى قامو ينقصون من الرواتب بدون ما يبلغون اصحاب الشأن
بحكم اني اشتغلت فتره تدريب عندهم شفت امور وايد غيييير عن قبل
حتى الي يطلعلهم راتب التقاعد مثلا 800 درهم من راتب الاب و يستلم في نفس الوقت تقريبا 2200 من الشؤون
راحو و اقططعو الـ 800 الي يستلمونها من راتب التقاعد و صار راتب الشؤون فقط 1400
بدال ما يزيدونهم ينقصونهم..
لا حول ولا قوة إلا بالله
غاليتي 
2024 فيها الخير والبركـة
لا تطالع الي نقص ,, تطالع الي موجود ^_^ !
والبيزات ببركتها مب بكمهـا
في دول ما يعطون عيالهم حتى درهم وعيالهم يسيرون حفاة للمدرسة الي تبعد 50 كيلومتر عن البيت !!
فالإنسان يحمد الله على النعمـة الي فيها
ويمشي أموره بالي موجود
((وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ))
تحسن الظن بالله وما بتخيب
وشكر النعمـة يؤدي إلى زيادتها
وشكر رب العالمين والإستغفار غاليتي يرزق العبد من حيث لا يعلم
وقليل دائم خير من كثير منقطع
الله يعينهم ويساعدهم
الغاليه انا اشتغل في وزارة الشئون هذا القرار يانا من مجلس الوزراء البنات الغير متزوجات ومجهولين الوالدين والعجز الصحي الي تحت 18 سنه كلهم بينقصونهم 2200 الي كانو يستلمون 4400 الغاليه كل شي تغير صارت ميزانيه الشئون مليارين مبلغ مهول في ناس تاخذ مب محتاجه والله انا شفت العجب عندهم الخير بس يقولون مال الدوله ما يخصكم هاي الفئة خربت ع هالناس بس الشئون كمساعده مب راتب ثابت
الله المستعان
اعرف وحدة سوولها نفس الشي كانت تستلم 4000 وألحين
بس هي تقول قالوا لها ألي أقل من 35 ياخذون 2200
المشاركة الأصلية كتبت بواسطة bellegirl 
لا حول ولا قوة إلا بالله
غاليتي
2024 فيها الخير والبركـة
لا تطالع الي نقص ,, تطالع الي موجود ^_^ !
والبيزات ببركتها مب بكمهـا
في دول ما يعطون عيالهم حتى درهم وعيالهم يسيرون حفاة للمدرسة الي تبعد 50 كيلومتر عن البيت !!
فالإنسان يحمد الله على النعمـة الي فيها
ويمشي أموره بالي موجود
((وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ ))
تحسن الظن بالله وما بتخيب
وشكر النعمـة يؤدي إلى زيادتها
وشكر رب العالمين والإستغفار غاليتي يرزق العبد من حيث لا يعلم