.
.
.
طبعا من عنوان الموضوع أكيد خمنتوا أني ودي أعرس ..وأييب عيال …. وأني كبرت
لا وألف لاه إلا اذ الله كتب
.
.
حبيت اليوم أكتب عن مواضيع أنشرت بهل منتدى بالهبل إلا بالكليو عن بنات ((بس يبون يعرسوون))كل وحده تكتب موضوع شطوله اونه ((أبي أعرس )) لاســـف كلهن صغيرات السن بين 17 والعشرينات اونهم عوانس عيل شو خلو حق ثلاثينات و لا أربعينات ^^
.
.
.
ولاسف يكتبون ((إلا دمعتي عند خدي ولا ربيعاتي كلهم عرسوا إلا أنا ولا بنات الاهل عرسوا وانا تميت عانس )).
.
مايعرفون شي اسمه ((قســــمه ونصيب )) وكل شي له حكمه ووقت معين له ليـــش دوم نحن نقول الزواج قسمه ونصيب معناته الله يقسم الارزاق ويوزع لعباده وكلن له نصيب
.
.
يعني صج هالقسم أمتلئ بمواضيــــع سخيف من بنات بس يبون يعرسون عنبوا يتحرون الزواج كل شي وأكبر قهر الي تقول ((أسير أعراس ربيعاتي وأصيــــح ))>>>>>خبريني وين تبين أنتي تصيحين حق الزواج
.
.
الله سبحان وتعالــــي كتب كل شي قبل ماتنولدين متى بتعرسين متى بتيبين عيال وكل شي بوقته حلو لا تستائين أو تكدرين نفسج … دائما كوني متفائله وعارفه انه يوم من أيام بتعرسين دام الله كتب لج النصيب متى بي
.
.
لو تاخر نصيب دووووم قولـــي الحمدالله على كل حال ^^ الحياه مازالت مستمره
.
.
بس حبيت أقول كلمه للبنات
تفـــائلي …أدعــــي ولا تبكي …خلج إمانج قوي بالله ….ولا تنزلين دمعة لمجرد تأخرتي في زواج ترى والله الدنيـــا ماتستاهل وكلها فانيـــــه
.
.
همســة ((بنـــات بلييز لا تكثروون من هل مواضيع كل شي بيد ربج بس أدعـــي ولا تكدين حياتج بسبه زوج… كفوووووا من هل إعلانات أبي اعرس ابي عيال ولا أرضع خلو فيكم حيـــاء شويه ..
بنات أيام قبل يستحوووون ينطقونها ولا يكتبونها على الجدران … ولا الحين تغير ماقام في حيــاء ))^^
.
.
دمتم سالـــمين وربي يرزقكم بزوج الحلال
الله يرزقهن كلهن بالزوج الصالح
الله يرزق كل وحده يارب
كل وحدة كيفها الغالية
بس بعد هذا كله نصيب
أنا عمري 29 والحمد لله مستمتعة بكل لحظة فحياتي اخاف يوم أعرس اقول ما استمتعت بشبابي شو 17-18-20 ما عليج باجر يكبرون ويعقلون وربي يرزقهم بالذرية الصالحة انا الوحيد فالبيت الي ما عرست بس اشوف خواتي ينقهرن ويتضايقن وما يقدرن يتحركن بسبة ع يالهن وبعد ما خذه خبره فالحياة لاني طولت خخخخخخ المهم حبيبتي العرس تراه مب كلشي فالدنيا الحياة حلوه الوحده يكفي تكون راضية بقسمةالله يعني لو انقهرت بييها المعرس لا طبعا بس تدعي ويشرفني أكون اول وحده ترد عليج والصراحه ربي يرزقنا جميع صحيح نحن كلنا نبى نعرس ما في وحده ما تتمنى واربيعاتي بعد عرسن والي حامل والي تولد بس ما حسيت بالحسد لان كلشي ارزاق والرزق مب عند بني آدم عند الله يالله أدعيلهم كلهن بالصحه والعافية والزوج الي يريحهن حتى تلوع جبدهن ويقولن وين ايام العزوبية بصراحه احب العزوبية حلوه بس بعد وانتي بعد ربي يهنيج
اللي صغار لاحقات بس اللي كبار مالومهن
انا مع اختي شما القبيسي
والله عيشوا حياتكم لحظه بلحظه ترى ايام العزوبية وااايد حلوة
والعرس متى ربي كتبه لنا بيصير
وربي يرزق الجميع مايحب ويتمنى