السلام عليكم ورحمة الله وبركاته
مرحبا خواتي
باركوا لي صرت حامل بفضل الله تعالى ولله الحمد والشكر وادعوا لي ربي يثبت حملي ان شاء الله ويهون علي حملي واولد بالسلامه يا رب واييب احلى توم بنت وولد
وان شاء الله ربي يرزق كل من تتمنى الحمال بالذريه الصالحه السالمه الشافيه عاجلا غير آجل يا رب العالمين
بس موضوعي حبيت فيه تذكرون لي اسامي المحلات المختصه ببيع كل ما يخص المولود الجديد سواء من ملابس،سداحات،ميلسه،عربانه،كل شي يخص البيبي
بس تكون بضاعه مميزه وراقيه
غير عن بيبي شوب ونكست ومذركير وهالسوالف
ابغي شي راقي
وفي جميع امارات الدولة
وياليت مع ذكر الأسعار
مبرووووووك على الحمل والله يثبته لج
وعقبالنا إن شاءالله
المشاركة الأصلية كتبت بواسطة همسة حب 
وعقبالنا إن شاءالله
الله يبارك فيج حبيبتي هموسه
وآمين يا رب العالمين
وعقبالج يا رب وعقبال كل وحده تتمنى تحمل بان ربي يرزقها الذريه الصالحه السالمه الشافيه يا رب العالمين
الف مبروك الغالية …
والله يثبت لج حملج ويرزقج باللي تتمنينه ..
عن نفسي اشتريت وااااااااااايد أشياء ومن واااااااايد اماكن بس اكثر شي طلبت من النت من مواقع امريكية ..
واشتريت من محل تك تك في مول الامارات .. عنده أشياء وااااااايد حلوة ..
ومن محل قصر الصغار اعتقد اسمه في برجمان …
ألف ألف مبروك يالغالية والله يثبت حملج يارب
وتحملي على عمرج ….
شي محل تك تك فابن بطوطة وااايد حلو ..
والله يفرحج يارب.
المشاركة الأصلية كتبت بواسطة الوزيرة والله يثبت لج حملج ويرزقج باللي تتمنينه ..
عن نفسي اشتريت وااااااااااايد أشياء ومن واااااااايد اماكن بس اكثر شي طلبت من النت من مواقع امريكية ..
واشتريت من محل تك تك في مول الامارات .. عنده أشياء وااااااايد حلوة ..
ومن محل قصر الصغار اعتقد اسمه في برجمان …
الله يبارك فيج غناتي وزوره
وآمين يا رب العالمين
والله حلو انج تطلبين من النت
بس المشكله اني ما اعرف شقا اطلب من امريكا؟؟
ممكن تعلميني شقايل واكون شاكرتلج والله من كل قلبي
وقصر الصغار هذا انا جني شفته ف وافي
شي منه فرعين يعني؟؟
المشاركة الأصلية كتبت بواسطة أم حامد22 وتحملي على عمرج ….
شي محل تك تك فابن بطوطة وااايد حلو ..
والله يفرحج يارب.
الله يبارك فيج غناتي ام حامد
وامين يا رب العالمين
ومشكوره ع الرد
وان شاء الله بسير بن بطوطه وبشوف