لو سمحتوا خواتي بغيت طريقة حبة الحمرا بالحليب اللي يسونه للمربيااااااااااات ..
أنا اللي أعرفه إنه حليب وبهارت وسمن بس كيف الطريقة ما أعرف ياريت تساعدوني وكيف تصير غليظة ..
والله يا الغاليه ما عرف البنات ما بيقصرون وياج
تغسلين حبة الحمرا وتخلينها اشوي في الماي .. اتفورين حليب وتحطين حبة الحمرا وإذا تبينها تغلظ اتزيدين حبة الحمرا …
طبعا اتحطين البهارات والدهن الطيب و السكر.. وتخلينها تطبخ اشوي ….
وبالعافيه ع قلبج ..
مرحبا اختي
هذي طريقتها يبتها لج من منتدى ثاني
المقادير :
2 كأس ماء
– 4 م ك حليب بودرة
– 2 م ص قرفه
– 2 م ص هال (أو هيل)
– 1 فنجان قهوة من حبة الحمرا
– 1 فنجان قهوة من السكر العادي
الطريقه
أولاً نحط ماي مع حبة الحمرا لمدة دقيقتين و بنلاحظ انه حبة الحمرا تنتفخ و تصير غليظة و تتكتل بس لا تزيدون الماي خلوه مثل ما هو
ثانياً نسخن الماي بس ما نخليه يفور
ثالثاً نضيف الحليب البودرة على الماي
رابعاً نضيف حبة الحمرا على الحليب و الماي
خامساً نضيف القرفه و الهال مع الإستمرار في التحريك لانه رح نلاحظ تكتل في حبة الحمرا
بعدين تخلون الخليط لين يفور لين مايغلظ شوي
و بعدين قدموه و شربوه و هو حار و بالعافيه عليكم
ملاحظة : الكمية تكفي كأسين فقط
وحد يحط زعفران حسب الرغبه
دخيلج طرشيلي دله يوم بتسوين
ما شاء الله البنات ما قصرن
وفي طريقه تسوينها مع شوية طحين
يعني اخلطي لكل كوب حليب نص ملعقة طحين ابيض
وخليه على النار يغلي مع التحريك المستمر
وبعد ضيفيالحبه الحمرا بس تكون منقايه ومنظفه
مع الهيل والقرفه والسمن
والله يزاكم الله كل خيييييييييييييير ..
سويتها وطلعت لذيذة … عاد يالله البرد ياي وأنا أحب أشرب حبة الحمرا في البرد ..
وسويتهاا بالبهارات الخاصة للودلاة ..(( قرفة وهيل ودارسين وفلفل أسود ))
امي تسويها بالطحين وتطلع خباااااااااال :1 (57): :1 (57):