مشكله وقوف الاطفال للأنتظار السياره في الشمس بعد الدوام المدرسي

كل عام انتم بخير وصحه وسلامه

وصباح العوده للمدارس وبدايه جهاد و مجاهده الام

وهذا اول موضوع اشارك فيه في منتداي الغالي بصراحه شكلي طولت عليكم بدخل في الموضوع على طول

امس سريت مدرسة ولدي ما شاء الله عليه الحين اهو في الصف الاول

سالت الاخصائية عن مكان انتظار الطالب للسياره الخاصة بعد انتهاء الدوام المدرسي
قالت لي ::ينتظر برع عند غرفة الحارس
قلت وين يعني ما في غرفة خاصه ؟
قالت لي : لا ينتظرون برع
بصراحه كنت بنفجر عليها بس سكت
تدورن برع يعني في الشمس وباصات تمشي من جدامه والعيال مال صف الاول بعدهم اصغار
وصراحه تخيلوا عيال الكبار وسيارات المعلمات والباصات واليهال يتريون في الشمس عند الحرس
يعين هم ماا عندهم رحمه ليش ما يخلونه ينتظر في صاله مكيفه عندهم في الادارة
فان حبيت اخذ رايكم في الموضوع ولو تعطوني نصايح بكون لكم شاكره
لاني بسير يوم الاحد وبكلم الاخصائية

ماشي غرفة انتظار ومب مسموح لهم يقربون من الاداره يعني لازم ينقعون تحت الشمس على الاقل يسوون لهم مظله عن هالشمس

والله يحفظكن اونتو وعوايلكن من كل شيطان وهامه ومن كل عين لامه

بصراحه انا ماااااااااا بسكت اذا ما طاعوا بسير المجلس ان شاء الله

يعني هم يتبردن في التكيف وعيالنا برع