أخوانـــي وأخواتـــي الكـــــرام
لأول مره اطرح موضوع في قسم الحوار لعلي ان أنال منكم الردود والتفاعل في موضوعي
لا اود ان اطيل لكم الحديث ولكن رغبة ان تشاركوني النقاش في هذا الموضوع المهم
بالفعل تشتكي غالبية الفتيات لصديقاتهن وتخفين عن اخواتهن أن في بعض المنتديات وليس الكل أن أحد الإداريين يكون إنسااان لعووب ويستهيين بمشاعر الفتيات ودائم ارسال رسائل غزل ويحاول أن يوهمها بالحب فمن الطبيعي أن يكون التصرف من قبل الفتاه مع الإداري بشكل صعب ..
سؤالي للبنات:
أخيتي العزيزه: لوكنتي محلهااا ماذا ستفعلين؟؟
هل ستستمرين فالمنتدى لتعلقك الشديد به وستواجهين الاداري في كل مره أو ستتركينه؟
لو كنت مكان الإداري هل ترضاا لأي شخص يتحرش بأختك فالمنتدى؟؟
موضوع اتمنى تفاعلكم .. حتى نوصل لحل لهذه المشكله
همســـــه:
اتمنى تفاعل الشباب لأن في اغلب مواضيعي اللي اطرحهاا واتكلم عنهم نادر ما اشووف رد من ردودهم
][ ليـس العيــب أن يخطـأ الشخـص ولكـن العيـب أن يستمـر ع الخطأ ][
والسمـــوحه منـــكم
انزين تطلع من المنتدى محد جابرنها اتم امسجله بالمنتدى
اذا انا صارلي الموقف ببلغ عليه احد المراقبين و بنذلف من المنتدى
في وايد مدونة في النت مب بس واحد
المشاركة الأصلية كتبت بواسطة بنت زايد 1 
هل ستستمرين فالمنتدى لتعلقك الشديد به وستواجهين الاداري في كل مره أو ستتركينه؟
لا طبعا ما بودر المنتدى وبطنش الادراي ومصيره يطفر ويدور ثانيه بس على حسب البنيه اذا ايمانها قوي ما بتستسلم له ^^
والله يستر على الجميع ^^
ياختي الناس اجناس ومحد يخليج فحالج
ودرتي او ما ودرتي
دام هو حاط فباله شي خلاص ما عليه من الي يستوي
والله اني اعاني من هالشي بالرغم اني تاركة كل شي
لاهنتي ع المروور
المشاركة الأصلية كتبت بواسطة ستايلي غير اذا انا صارلي الموقف ببلغ عليه احد المراقبين و بنذلف من المنتدى
في وايد مدونة في النت مب بس واحد
انا شخصيا ما رة بهالموقف
ومن المدير بالذات
وياليته خلاني فحالي
رغم اني مودرة المنتدى من زمان الا انه وصل لرقمي سرقه النذل من موبيل اخته لاني اربيعت اخته بالاساس
لاهنتي ع المرور
والـلي يقهــر ويبـــط الجبـــد
الاداري ينصـــح الاعضــاء علــى عـــدم التــلاعـــب ,, وهـــو أكبـــر مصيـــبه
شو هالاداري الــوقـح اللــي ينصــح وهــو مــن يقـــوم بفعــل هـالتــلاعب بعقــول
ومشــاعـــر الفتــاه ,, بالفعــل هــو أداري فــاشل لا يخــاف رب العــالميــن علــى
فعلتـه الوقحــه ,, أداااري خــائــن بمعنـــى الكــلمه ,, ويـاتـري مـاطعــم الخيـانـه
ورائحتهــا ,, للخيــانه طعــم >> لايتــذوقــه الا الخــائنـــون
وللخيــانه رائحــه >> لايشمهــا الا المخلصــون
وأحقــر أنــواع الخيــانه خيـانة رجــل خــائن لأمرأه وفيـــه
وأبــي أفهــم شــي واااحد مــن هالادارييــن
شو اللــي تستفيــدوووه مــن بعــد هالتلاعـــب
والله حــرام اللي يصيـــر
ماأقــول غيــر الله يهديــهم ويصــلح بــالهم
وأقــول للــفتــاه أحذري كــل الحــذر
مــن الذئــاب البشــريه >> ســوااء فــي الشبكــه العنكبــوتيه
أو خــارج الشبكــه العنكبــوتيــه
((عندما تحب المرأة لاتفكر فى الخيانه…وعندما يخون الرجل لايفكر فى الحب !!))
افضل انها تترك المنتدي ,,, بس ماراح اضمن انها ممكن تلقي مثل هذا الاداري في مكان ثاني
اذا لازم هي تتسلح بقوة الايمان ومخافة الله لان الانسان اذا اراد شيئ راح يسعى له حتى يحققه
والسمـــــــــــــــــوحة
عزيزتي خلج قوية ارادة وسويله طاف بالقو يعني خليه يطرش لين تلوع كبده ولاتردين عليه لا بهيه ولابلا ولا كأنج تشوفينه وسويله بلوك من مخج ، عادي اقري رسايله وديليت على طول صدقيني يوم مابتردين عليه لا بالزين ولابالشين بيمل وبيتعب بس انت خلي بالج طوييييييييييييييييل وبتشوفين بس عطي نفسك افكار ايجابية دايما قولي بيمل ، بيمل ، خله ، مابرد عليه بينج وبين نفسج ترى الافكار تنتقل للسلوك ومن غير ماتشعرين بتحسين انج لابستنه ، بس وردي عند الخوف والتوتر دايما قولي كلام ايجابي عن نفسج ( انا قوية ارادة ، بقدر افتك منه ، ….. الخ من الكلمات اخترعي كلمات انتي من عندك تعزز في نفسك الثقة
ولاتطلعين من المنتدى ليش انت ماسويتي شي لاتخلينه يغلبج منو هو عشان يطلعج من المنتدى لاتخافين من شي الله وياج
حتى رقم موبايلج لاتغيرينه خليه بس لاتردين على ارقام ماتعرفينها وشو يعني لو رديتي يوم بتعرفين انه هو سكري عاااااااااااااااادي في ويهه بالعكس هاي الحركة في ناس وايد مايحبونها هههههههههه ترفع الضغط عاد انتي سويها
وفي النهاية ترى اللي ترمسج اجبن منج بس والله الدنيا تعلم لاني انحطيت في موقف يشابه موقفج بس بالموبايل واحد مزعج بس سمع ان اللي رد عليه بنية ماصدق بس طفرته ولا قمت اشل التيلفون يوم يتصل تم بالشهور على هاي الحال وسويتها سالفة تحدي قلت اتخسى انا اغير تيلفوني عشانك في سري طبعا لين افتكيت من اتصالاته بس يأس وماقام يتصل ههههههههه غلبته