مشكلتي مع الكرش أنا في الأربعين توني مربيه ببنوتة حلوة كيف أتخلص منها و صدج أن المشد الأندنيسي يخفي الكرش أذا واضبت عليه أقدر أربط بطني مرة في الأسبوع و لا طووول فترة الأربعين و متى أقدر أسوي تمارين بطن شووو الوسائل الي أقدر أتخلص منها بنات ساعدوووني الله يخليكم ابي أفتك منها أبي ردودكم
للرفع
ما اعرف
إن شاء الله البنات يفيدونج
للرفع
فديتج ما أنصحج بالأندونيسي …في نوعيات أحسن في مشد إيبيعونه باللولو في رأس الخيمه ما أعرف إنتي من وين يخفي الكرشه من الزين ولا إخلي لها أثر
وأنصحج بشرب أشياء حارة مثل الزعتر الحلبه الزنجبيل القرفه زهورات بابونج
اللي أعرفه لازم تلبسين المشد طول الارعين إذا تبين نتيجه
بخصوص الرياضه عندي في الكتاب تمارين البطن عادي من الاسبوع الثاني أو الثالث بعد الولاده إذا فيج حيل.
همممم
هاللي عندي و انا بعد أبا استفيد من الخبيرات.
انا بعد ابا اعرف
شوفي اختي انا فولادتي الاولى استخدمت المشد الطبي مال الصيدليه وتضايقت منه وايد بس الحمد لله ما طلعتلي كرشه باول ولادة لان توي يعني
فولادتي الثانيه عقب اسبوع بديت اربط شيله مال البيت ع بطني واحط مطارة حارة ع بطني وحسيته اوكيه
بس فحملي هذا كرشتي ما شا الله اكبر بوايد من قبل ومب عارفه اذا بترد نفس قبل ولا لا
والله بقولج طريقتي ولا تظحكين عليه وهذي طريقة يداتنا انا عندي الحمدلله ثلاثه والحمدلله مب مسويه بطن والفضل يرجع للحصاه تعرفين حصا اليبل هاتيلج وحده وحريها ليها مووول تحر عالغاز تصير حاره وايد ولفيها بالفوده وحطيها عبطنج داومي عليها وبتشكريني بذوب الدم الفاسد الي فبطنج والكرش نصيحي جربيها