السلام عليكم
أخواتي بغيت استشيركم في موضوع خطبتي .. و يا ريت اتشاركوني رايكم ..
قابلت شاب في حفلة نظمتها الجامعة .. و بعد فترة صار بينا تعارف على النت و قالي إنه نيته صالحة يبى يخطب لكنه متخرج توه و ما كان يشتغل .. أصر إنه يشتغل و يطلع أرض قبل لا يكلم أهله .. ما صار شي بينا غير محادثات على النت و أنا كنت استخير و استشير مستشارة نفسية و أسرية عن وضعي .. خبرت أختي بالموضوع و خلال فترة سنة و 6 شهور فاتح أهله و أنا كنت توني متخرجة .. هو سنه 22 داخل على 23 و بيكمل سنة يشتغل و طلع الأرض .. كان في معارضة من أهله في البداية بسبب صغر سنه لكن بعد فترة الأم كلمت أهلي و تفضلوا عنا البيت لكن حطوا شرط إنه العرس و الملجة بعد سنتين لأنه يشوفونه صغير و ما عنده بيت .. أهلي حبوا الولد ما عليه كلام ما اعترضوا عليه .. لكن بغوا ملجة خلال سنة و العرس بعد سنة و نصف .. أهله رفضوا و اصروا على موقفهم و أمه تقريباَ كلامها كان جاف و صارم و فيه نوع من الاستهزاء و اتشوف إنه ما فيه مانع يكلمني على التلفون عسب يتعرف أكثر خلال فترة السنتين .. أمه تفكيرها غربي .. مع العلم إني استشرت أناس لهم خبرة و استخرت .. أهلي رفضوا بسبب ردة فعل الأم و إنه هي مب مخليه ولدها يملج مع إنهم مقتدرين مالياً و في وجهة نظر أهلي ما في شي يمنع الملجة .. الولد زين ما عليه كلام محترم و أخلاقه حلوه ..
حبيت اذكر إنه أهلي يحسون أمه رافضة الزواج بس تمشي كلام ولدها عسب اتسكته و يوم نحن نهينا الموضوع ردت بسرعة و ما حاولت اتحل الإشكال اللي صاير ..
هل اعطيه فرصة ثانية إنه يتقدم و يحل الإشكال مع أهله و لا أنهي الموضوع نهائياً .. شو رايكم؟
استخيري فديتج ….واتوكلي على الله
عطيه فرصه ….واذا الله كتب بتتيسر الامور
شوفي رايه هوه
احس حرام تنهين الموضوع اخاف تظلمين عمرج وتظلمينه اذذا هو يباج
شكراً على الردود ..
أخواتي أنا حاولت من جهتي و الولد حاول لكن أحس أمه اتصكر البيبان و حاطه تعقيدات مالها أساس!
هذا كلام أمه 
سنه صغير .. ما عنده بيت .. ما عنده خبره .. ما بتستقبلنا نسكن في بيتها في بداية حياتنا .. رافضين يعيش ولدهم في شقة .. ممكن يغير رايه و بعدين تستوي مشكلة و نطلق خلال فترة الملجة .. ما يمع فلوسه مع إنهم مقتدرين مالياً )
استخيري كل يوم بعد كل فرض و التساهيل من رب العالمين ان كان من نصيبج
. .
الله يكتب لج اللي فيه الخير حبيبتي
اتقربي من ربج حبوووبه واقري هالموضوع ونفذيه بترتاحين وبتتسهل اموووورج