مشكلتي في الدنيا عمتي تعبت تعبت منها ساعدوني

السلام عليكم بنات
بنات انا مشكلتي في هالدنيا كلها عمتي
انا امي و ابوي رحمة الله عليهم متوفيين و انا صار لي 3 اسنين من عرست
و اخواني طبعا كل واحد و معرس و في بيت اروحه و بيت امي و ابوي انباع بعد ما توفي
و اجسمت فلويه علينا احنا عياله يعني انا مالي غير ريلي و اهل ريلي في هالدنيا
تعرفون يا والله يا بنات ما في اخبث من عمتي في هالدنيا لدرجه تعرفون شو سوت
ما بتصدقون عقب ما عرست بسنه كنا مسافرين المانيا انا وهي و ريلي كنا مسافرين علاج حق ريلي و في نفس اليوم الي كنا بنسافر فيه طارت اطايره علينا وظطرينا انه انبيت في دبي بحكم انه نحن من العين و في نفس اليوم الي طارت الطياره علينا توفت امي فليل
كانوا خواني يتصلون فيني علشان ارد اشوف امي قبل لا يدفنونها رحمة الله عليها و لانه نحن مسافرين انا وريلي كنا مسكريين تيلفوناتنا و عمتي كان تيلفونها مفتوح و كانوا يتصلون عليها علشان انا ارد و هي حضرتها حسبتها في رسها و عرفت اني لو عرفت برد و اكيد ريلي بيرجع وياي و بجيه بتتفركش السفره تعرفون شو سوت ما خبرتني انه امي توفت ما كانت ترد على خواني يوم يتصلون فيها و يوم كنا نسالها انا ويلي ليش ما تردين
تقول ماشي اونه هذا ولدها الثاني ما عنده سالفه المهم سافرت اليوم الثاني و ما خبرتني و قعدت تقريبا هناك شهر و بعد ما خبرتني و يوم رجعت تفاجئت انهامي توفت بس والله يا بنات والله انه من بعد ما توفت امي عديتها امي و كنت احترمها وااااايد و كنت الي ايبه لنفسي ايبلها اياه ما كنت اتصنع كنت اسوي الشي بطيب خاطر لاني عديتها امي الي انحرمت منها بس والله والله انه الطيب في الزمن ما يعيش تحترم حرمة ولدها الثاني وااااايد لدرجه انها تخاف منها موت ليش لانه هاذيج عندها اهل تخاف تسوي فيها شي رغم انه حرمت ولدها والله مب مسويه حق كل الي في البيت سالفه تتريق و تتغدى و تتعشى فوق في غرفتها و هي الي تحط لها الاكل و اطرشه لها فوق ابد ما تنزل تحت تقعد وياهم خمس دقايق كله يا في غرفتها فوق او طالعه برع يعني ما يشوفنها الا في السنه حسنه و انا الي مب نقص غير اني اعبدهم مب باين في عينهم والله اني انش من رقادي حدود10 او اذا كثرت 11 و اتم وياهم لين اخر الليل و احترمها هي و عيالها من صغيرهم لين كبيرهم و مب مقصره وياهم في شي لدرجه انه هم عندهم طباخ في البيت بس والله انه بين اليومين و الثلاث اطبخ لهم و شويلهم حلويات و كل شي بس والله مب امبين في عينها
انا ريلي انسان هادي ماله خص في الدنيا قبل لا اخذه بس والله من عقب ما قام يشوف معاملت امه وياي صار انسان ثاني كله يدافع عني و يضارب عني و ما يرضي علي
لدرجه انه والله قالي بظهرج بيت بروحج و بعزج بس والله اني قلت له لا لاني احبهم مالي غيرهم في الدنيا و سبب ثاني هو صار له ست شهور من تقاعد و لين الحين ما لقى له وظيفه ثانيه و انتوا عارفين كيف الغلى صاير و راتب التقاعد ما يعيش حد و اخاف اني ارجع بيتهم ثاني مره و عقب هي بذلني صدق من خاطرها خواني كل واحد لاهي في بيته و عياله و انا عادتهم هلي بس هم ما يستهاهلون كله مفرقين بيني و بين حرمت ولدهم الثاني والله يا بنات مب عارفه شو اسوي تعبت تعبت والله اني امتب لكمم وانا خلاص مدمره منهم
دخيلكم نصحوني شو اسوي اطلع من بيتهم والا اتم و اخاف اطلع و عقب اظطر عصب عني ارد انصحوني مالي غيركم

اول شي الله يرحم امج ويرحم يدتي وكل موتى المسلمين
ثانيا حركة عمتج ام ريلج قويه ما اقولج لأ بس يمكن هي ساعتها خافت ان ولدها يكنسل السفره شي طبيعي بيتم وياج
وخافت عصحته يعنى تصرفها كان خوفا على ولدها والام اهم شي عندها عيالها.

والحمدلله ماشاء الله من رمستج احس ان ريلج طيب وحاس فيج وهذا اهم شي
الله يوفقج ويرزق ريلج بالوظيفه الزينه وتسكنين بروحج وترتاحين
ونصيحه اذا قدرتوا وتحسنت اوضاعكم اسكنوا روحكم بس لا تقطعون اهله احسن بتخف المشاكل

حسبنا الله ونعم الوكيل، اختي تحسبي وايد لانج مظلومه، اصبري الصبر مفتاح الفرج وحاولي تحببينها فيج، حتى لو اضطريتي تسوين شرات حرمة اخو ريلج الثانيه اللي تحبها عمتج، المهم انها تحبج وخلاص عشان تقدرين تعيشين معاهم، وظروف ريلج حاليا ما تساعد انكم تطلعون بيت بروحكم عشان جي اقولج حاولي تحببينها فيج وان تحسنت ظروف ريلج اطلعي فبيت بروحج وبتشوفين يوم بتحبج

يااختي اعذريها هي بعد حرمة كبيرة وانتي ما شاء الله مبين من كلامج انج بنت ناس رزينه والدليل تصرفج وقت ما عرفتي عن وفاة امج الله يرحمها

انتي اهم شي لا تخلين هالشي يأثر ع نفسيتج وعلى علاقتج بريلج(الله يخليه لج ان شاء الله)

الله يرحم والدينج

والله يهدي اهل ريلج لج

حبيبتي بروحج قلتيها ماترومين تضهرين عنهم ومالج غيرهم وتحبينهم
شكلج أنتي تحبين تعذبين نفسج وتيلسين عندهم وتبين تصعبين علي زوجج لأن عايبنج أن يدافع عنج
لاتزعلين مني بس أنت فرصة أن زوجج بيعزج ويكارمج في بيت بروحج رفضتيها وكنت بتزورينهم بكرامتج وراسج مرفوع وبيحبونج ويرزونج أوهمت نفسج أن مالج أهل غيرهم
حبيبتي زوجج هو أهلج وبس موب أهلة وأذا تحبينهم موب غلط بس هذا موب معناته تعيشين عندهم علي طول
وتعلقين عمرج فيهم لدرجة ماتستغنين عنهم أنتي ضعيفة نعم بس قوتج في ريلج وريلج مابيقصر فيج ومحد مثلة بيداريج بأختصار في أيدج القرار والأستقرار
وأنشاء اللة زوجج بيتوفق في شغل ثاني اللة كريم وأسمحيلي علي الأطالة

المثل يقول إتق شر من احسنت إلية
إختى جزاج بتحصلينة فاللآخرة والأصيل أصيل .
نصيحتى طلعى بيت بروحج لأن هذا السيناريو ما بيخلص وبتعيشين فى هذا الجو دوم لأن ما شي بيتغير إلا إذا يتها هداية من السماء,حتى لو غرفتين وشوي شو كونو البيت , إشترى راحتج وراحت ريلج…… يقولج إذا بغيت تغلا ولا بعد ولا موت , ودورى شغل وإتساعدو وإنشاء حياتج بتمشى . إدعي في هذي الأيام المبروكة وصلى إستخارة . والله مع العبد مادام العبد معاه.