السلام عليكم
بدش في الموضوع ع طول
الغاليات انا مزوجه وفي نفس الوقت لا كيف يعني انا بخبركم
انا يا خواتي عندي مشاكل اولا قصيره يعني طولي 153 وضعيفه والمشكله العوده ماشيييييي صدر
على كل حال
هالشي مسوي عقده مع ريلي يعني هو يحب البنات الطوال والمليانات وخاصه صاحبات الصدر الكبير يعني عكسي انا بالضبط
والله ماخليت شي ما يربته كريمات واجهزه ورياضه ماااااااافي فايده
عندي ولد عسب ماتقولون عقب الولاده بيكبر صدرج
الا زادت المشكله
الحين احس ريلي بارد وياي وحتى مره قالي انتي فيج اشكثر علل وانا زعلت وعصبت
ااااااااخ ابا اي حل يساعدني والله مرات افكر اسوي عمليه تكبير بس بدون ما يدري
لاتقولون ريلج ماعنده سالفه واهم شي الاخلاق
كلامكم 100% صح بس تعرفون الرياييل يحبون هالسوالف وما يمنع هالشي مع الاخلاق وترا يوم حزه (……..) اكيد فهمتو اسمحولي ع الجرأه
ماتهمهم الاخلاق يهمهم الجسم
ارجوكم ابا مساعده ابا اطول وابا صدري يكبر
بنات دخيلكم اللي تمر وتشوف موضوعي ياليت تساعدنس باي شي جربته وفادها
ولو بدعوه حلوه صادقه
اختكم ام حمود 
الله يوفقج اختي الصراحه ماعرف شو اقولج انا يارييييييت لو كنت شراتج ضعيفه
الله يفرج همج جربي والبسي ستيان ضيج ترها يكبر الصدر عن تجربة
اما الطول تعلقي في شي مرتفع يمكن ينفع
حبيبتي انا حاسه فيج
لانه مشكله يوم الريال يكون مو راضي بزوجته او بشيء في جسمها ومعاناتج اختي صعبه الله يعينج ويسعدج مع زوجج ان شاء الله البنات يساعدونج
وبالنسبه للطول انا سمعت انه فيه جلده ممغنطه تنحط في قاع الننعال الله يكرمج يقولون انها اطول
ان شاء الله اللي يربنها يساعدنج
هو يوم ما يحب هالصفات ليش خذاج من الأول ؟؟؟ استغفر الله حبيبتي انا ما ابي ازيدج بس حرام مره وحده يطلع ها كله فيج ..
و الله ما عندي فكره عن الموضوع بس عسى الله ينولج اللي في بالج
ربي يوفقج و ييسر امورج
مراحب…
أختي في فيتامينات ف الصيدليه يوم تاكلينها أتيوعين…وشهيتج تنفتح وتاكلين وايد…جربيها…إن شاءالله تفيدج…اخوي جربها ومتن قد ما يبا وعقب ودرها…والله يوفقج…والله هالراييل مالهم أمان بس 24ساعه أنتقادات ع الفاضي..وهم ما يحتاي…الكرشه بصوب…والمادري شو بصوب…